லங்காசிறி FM
ஜிஎஸ்டி வரிவிதிப்பால் பன்மடங்கு உயரும் ஐபிஎல் டிக்கெட் விலை! ரசிகர்களுக்கு அதிர்ச்சி
Sivaraj
in கிரிக்கெட்
ஐபிஎல் டிக்கெட்டுகளுக்குக்கான வரி விகிதங்கள் 28 சதவீதத்தில் இருந்து 40 சதவீதமாக உயர்த்தப்பட்டுள்ளது ரசிகர்களுக்கு அதிர்ச்சியை ஏற்படுத்தியுள்ளது.
ஜிஎஸ்டி
இந்திய அரசாங்கம் ஜிஎஸ்டி (GST) தொடர்பில் மாற்றங்களை கொண்டுவந்துள்ளது. அரசின் மறுசீரமைப்பின்படி பல்வேறு பொருட்கள், சேவைகளில் வரியில் மாற்றம் ஏற்படப்போகிறது. 
அந்த வகையில், ஐபிஎல் டிக்கெட்டுக்கான விலையும் 28 சதவீத ஜிஎஸ்டி வரியில் இருந்து 40 சதவீதமாக மாறப் போகிறது.
இதன்மூலம் அடிப்படை விலை ரூ.1000யில் உள்ள டிக்கெட்டின் இறுதி விலை, இப்போது ரூ.1280யில் இருந்து ரூ.1400 ஆக உயரும்.
இந்த விலையுயர்வு ஐபிஎல் தொடரை இந்தியாவின் மிக உயர்ந்த ஜிஎஸ்டி அடைப்பில் வைக்கிறது. அதாவது கேசினோக்கள் அல்லது ரேஸ் கிளப்கள் போல் ஐபிஎல்லும் மாறும்.
அதே சமயம், சர்வதேச கிரிக்கெட் போட்டிகளை மைதானத்தில் பார்ப்பதற்கான டிக்கெட் விலைக்கான ஜிஎஸ்டி வரி 28 சதவீதத்தில் இருந்து 18 சதவீதமாக குறைக்கப்பட்டுள்ளது.
விலக்கு
மற்ற அங்கீகரிக்கப்பட்ட விளையாட்டு நிகழ்வுகள் ரூ.500க்கும் மேல் விலையுள்ள டிக்கெட்டுகளுக்கு 18% ஜிஎஸ்டி விதிக்கப்படும்.
மேலும் ரூ.500க்கு கீழ் விலையுள்ள டிக்கெட்டுகளுக்கு ஜிஎஸ்டியில் இருந்து விலக்கு அளிக்கப்பட்டுள்ளது.
எனவே, சர்வதேச போட்டிகள் மற்றும் பிற அரசு நடத்தும் லீக்குகளுக்கான டிக்கெட்டுகள் எதிர்காலத்தில் மலிவாக மாறக்கூடும்.
தற்போது ஒரு சர்வதேச கிரிக்கெட் போட்டிக்கான டிக்கெட்டின் அடிப்படை விலை ரூ.1000 என்றால், வரிகள் சேர்க்கப்பட்ட பின் அதன் விலை ரூ.1280 ஆக இருக்கும்.
ஆனால், இந்த புதிய மாற்றத்தினால் அதே விலை ரூ.1180 ஆக குறையும். இந்த மாற்றங்கள் செப்டம்பர் 22ஆம் திகதி முதல் அமுலுக்கு வரும். 
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
தெல்லிப்பழை, பேராதனை, கொழும்பு, Fredericton, Canada, Toronto, Canada
08 Oct, 2025
வேலணை மேற்கு 8ம் வட்டாரம், London, United Kingdom
03 Nov, 2024
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024