லங்காசிறி FM
500-க்கும் மேற்பட்ட வழக்குகள்.., வாடகை கட்டடத்தில் போலி நீதிமன்றத்தை நடத்தியவர் கைது
போலியான நீதிமன்றம் நடத்தி பொதுமக்களை ஏமாற்றி வந்த போலி நீதிபதி கைது செய்யப்பட்டுள்ளார்.
போலி நீதிமன்றம்
இந்திய மாநிலமான குஜராத், அகமதாபாத் நகரை சேர்ந்தவர் மோரிஸ் சாமுவேல் கிறிஸ்டியன் (37). இவர் அங்குள்ள காந்தி நகரில் வாடகை கட்டடத்தில் போலியான நீதிமன்றம் ஒன்றை நடத்தி வந்துள்ளார்.
இந்த நீதிமன்றத்தில் போலியாக எழுத்தர்கள், வழக்கறிஞர்களையும் நியமனம் செய்துள்ளார்.
இவருடைய போலி வழக்கறிஞர்கள், பல்வேறு நீதிமன்றங்களில் நிலங்கள் சார்ந்து தொடரப்பட்ட வழக்குகளின் மனுதாரர்களை அணுகியுள்ளனர். அப்போது அவர்களிடம், சிறப்பு தீர்ப்பாயத்தில் விரைந்து தீர்ப்பு வழங்கப்படும் என்று கூறியுள்ளனர்.
இதனை நம்பிய பொதுமக்கள் கிறிஸ்டியனின் போலி நீதிமன்றத்தில் மனுக்களை தாக்கல் செய்துள்ளனர். அங்கு, காரசாரமான விவாதங்களும் நடைபெற்றுள்ளன.
பின்னர், தனக்கு சாதகமான தீர்ப்பை கிறிஸ்டியன் வழங்கி வந்துள்ளார். கடந்த 2019 -ம் ஆண்டு முதல் போலியான நீதிமன்றத்தை கிறிஸ்டியன் நடத்தி வந்துள்ளார்.
சில ஆண்டுகளுக்கு முன்பு பாபுஜி என்பவர் நில விவகாரம் தொடர்பாக கிறிஸ்டியனின் நீதிமன்றத்தில் மனு தாக்கல் செய்துள்ளார். இவர், ரூ.200 கோடி மதிப்பிலான அரசு நிலத்தை ஆக்கிரமித்து வைத்திருந்தார்.
அதாவது, 50 ஆண்டுகாலமாக அரசு நிலத்தில் குடியிருப்பதால் அந்த நிலத்தை தனது பெயருக்கு பத்திரப்பதிவு செய்ய வேண்டும் என்று கூறியுள்ளார்.
இந்த வழக்கை விசாரிப்பதற்காக பாபுஜியிடம் இருந்து பெரும் தொகையை கிறிஸ்டியன்பெற்றுள்ளார். இதில், அரசு மற்றும் மனுதாரர் தரப்பு வாதங்களுக்கு பிறகு குறிப்பிட்ட அரசு நிலம் பாபுஜிக்கு சொந்தமானது என்று தீர்ப்பு வழங்கியுள்ளார்.
இதுதொடர்பான தீர்ப்பாணையை அகமதாபாத் ஆட்சியரிடம் பாபுஜி வழங்கி உள்ளார். ஆனால் ஆட்சியர் எந்த நடவடிக்கையும் எடுக்கவில்லை.
இதையடுத்து அகமதாபாத் உரிமையியல் நீதிமன்றத்தில், கிறிஸ்டியனின் போலி நீதிமன்றம் வழங்கிய தீர்ப்பின் நகலை இணைத்து பாபுஜி வழக்கு தொடர்ந்தார்.
அப்போது சந்தேகமடைந்த நீதிமன்ற பதிவாளர் பொலிஸில் புகார் அளித்துள்ளார். இந்த புகாரின் விசாரணையில் கிறிஸ்டியனின் போலி நீதிமன்றம் வெளிச்சத்திற்கு வந்துள்ளது. இதையடுத்து, கிறிஸ்டியனை பொலிஸார் கைது செய்துள்ளனர்.
இது தொடர்பாக பொலிஸார் கூறுகையில், "கடந்த 5 ஆண்டுகளாக பொலிஸில் சிக்காமல் போலி நீதிமன்றத்தை கிறிஸ்டியன் நடந்து வந்துள்ளார். வழக்கு விசாரணைக்காக பாபுஜியிடம் இருந்து ரூ.30 லட்சத்தை பெற்றிருக்கிறார்.
இவர், ஓராண்டில் சுமார் 500-க்கும் மேற்பட்ட வழக்குகளுக்கு தீர்ப்பு வழங்கியுள்ளார். மேலும், பொதுமக்களிடம் இருந்து நிலங்களை ஏமாற்றி தனது பெயருக்கு மாற்றம் செய்துள்ளார்" என்றார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
