லங்காசிறி FM
ஜேர்மனியில் அதிக வருமானம் ஈட்டும் மக்கள் வெளிநாடு செல்ல விருப்பம்
ஜேர்மனியில் அதிக வருமானம் ஈட்டும் மக்களில் பாதி பேர் வெளிநாடு செல்ல விருப்பம் காட்டுவதாக சமீபத்திய ஆய்வு தெரிவிக்கிறது.
கடந்த ஒரு ஆண்டில் மட்டும் 2,88,000 ஜேர்மன் குடிமக்கள் வெளிநாடு சென்றுள்ளனர்.
Indeed வேலைவாய்ப்பு தளத்தின் ஆய்வின்படி, 6,000 யூரோவிற்கும் மேல் மாதாந்திர வருமானம் பெறும் 54 சதவீதம் பேர் கடந்த 12 மாதங்களில் வெளிநாட்டு வேலை வாய்ப்புகளை ஆராய்ந்துள்ளனர்.
இவர்களில் 77 சதவீதம் பேர் பல ஆண்டுகள் அல்லது நிரந்தரமாக வெளிநாட்டில் வாழ விருப்பம் தெரிவித்துள்ளனர்.
அவர்களின் முக்கிய காரணங்கள்:
அதிக வருமானம் (51%)
சிறந்த வாழ்க்கைத் தரம் (51%)
குறைந்த வரி மற்றும் சமூகக் கட்டணங்கள் (42%)
நல்ல காலநிலை (42%)
ஆனால், பதவி உயர்வு வாய்ப்புகள் போன்றவை குறைவானவர்களையே ஈர்க்கின்றன (24%).
ஜேர்மனியில் வரி சுமை அதிகம் என்பதே பெரும்பாலானோரின் குற்றச்சாட்டு. ஒரு ஊழியருக்காக முதலாளி செலவிடும் 100 யூரோவில், ஊழியருக்கு 50.70 யூரோ மட்டுமே கைக்கு வரும். மீதியை வரி மற்றும் சமூகக் கட்டணங்களாக பிடித்துக்கொள்ளப்படுகின்றன.
வெளிநாடு செல்ல விரும்புவோரின் விருப்ப நாடுகளில் அமெரிக்கா (14.4%), பிரித்தானியா (13.6%), சுவிட்சர்லாந்து (13.6%) முன்னிலையில் உள்ளன. மேலும், ஐக்கிய அரபு அமீரகம், இந்தியா, அவுஸ்திரேலியா ஆகிய நாடுகளும் அதிக ஈர்ப்பை பெற்றுள்ளன.
ஜேர்மனியில் இருந்து வெளியேறும் மக்கள் அதிகரித்தாலும், இந்தியா போன்ற நாடுகளில் இருந்து திறமையான தொழில்நுட்ப நிபுணர்கள் ஜேர்மனிக்கு குடிபெயர்ந்து வருகின்றனர்.
குறிப்பாக IT, AI, Digitalisation துறைகளில் அவர்கள் பணியாற்றுகின்றனர். இந்த நிலை, ஜேர்மனியின் வரி மற்றும் சமூகக் கொள்கைகள் மீதான அதிருப்தியை வெளிப்படுத்துகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
மலேசியா, Malaysia, மானிப்பாய், Duisburg, Germany, London, United Kingdom
10 Jul, 2026
புளியங்கூடல், யாழ்ப்பாணம், சென்னை, India, பிரான்ஸ், France
19 Jul, 2026
புங்குடுதீவு 8ம் வட்டாரம், புங்குடுதீவு 12ம் வட்டாரம், சுன்னாகம், பரிஸ், France
18 Jul, 2026
கோண்டாவில், புன்னாலைக்கட்டுவன், சவுதி அரேபியா, Saudi Arabia, ஜேர்மனி, Germany, Brampton, Canada
20 Jul, 2025
