குழந்தைகளை அச்சுறுத்தி வரும் கை பாத வாய் நோய்! அறிகுறிகள் என்ன?

கை பாத வாய் நோய் (Hand Mouth Foot disease) இன்று பல குழந்தைகளை அச்சுறுத்தி வருகிறது. 

இது சமீப காலமாக இந்த நோய் அதிக அளவில் தமிழகத்தில் பரவி வருகிறது. ஆக குழந்தைகளை வைத்திருக்கும் ஒவ்வொருவருக்கும் இந்த நோய் பற்றிய விழிப்புணர்வு மிகவும் அவசியமானது.  

குழந்தைகளுக்கு இந்த நோய் வராமல் பாதுகாப்பது பெற்றோரின் கடமை. அந்தவகையில் இந்த நோய் ஏன் வருகின்றது? இதிலிருந்து எப்படி மீள்வது என்பதை பற்றி பார்ப்போம். 

கை பாத வாய் நோய் என்றால்? 

 கை வாய் பாத நோய் என்பது ஒருவிதமான தொற்று நோயாகும். இந்த வகை தொற்று நோய் பரவுவதற்கு வைரஸ் கிருமிகள் தான் காரணம். காக்ஸ்சாக்கி மற்றும் என்டெரோ என்னும் இரண்டு வகை வைரஸ்களால் இந்தக் கை வாய் பாத நோய் பரவுகிறது.

இந்த காக்ஸ்சாக்கி என்னும் வைரஸில் மட்டுமே மொத்தம் 23 வகைகள் உள்ளன. அதில் சமீபகாலமாக டைப் 16 அதிக அளவு பரவி வருகிறது. இந்த வைரஸ் மழைக்காலங்களில் தான் அதிக அளவு பரவி குழந்தைகளைத் தாக்குகின்றன என்பது குறிப்பிடத்தக்கது.

அறிகுறிகள் என்ன?

• முழங்கை ,முழங்கால் மற்றும் பாத அடிப்பகுதிகளில் சிவப்பு கொப்பளங்கள். (கொப்பளங்கள் ஒரு குழுவாகக் காணப்படும்.இவை அரிப்பு ஏற்படுத்தாது.)
• கை ,கால்களில் தடிப்புகள்
• உதட்டின் மேல் கொப்பளம்
• வாயில் அதிகப்படியான உமிழ் நீர் சுரக்கும்.
• இருமல்
• தும்மல்
• காய்ச்சல்
• தொண்டை வலி

 யாரைத் தாக்கும்?

• ஆறு வயதுக்குட்பட்ட குழந்தைகளை இந்த வியாதி எளிதாகத் தாக்குகின்றது.
  
  
• பெரியவர்களையும் இந்த நோய் தாக்குகிறது. இருப்பினும் பெரியவர்களுக்கு எதிர்ப்புச்சக்தி சற்று அதிகமாக இருப்பதால் அவர்களால் எளிதில் மீள முடிகிறது.
  

இந்நோயில் இருந்து மீள்வது எப்படி?

•  உடல் வலி அதிகபட்சமாக இருக்கும் சமயத்தில்  மருத்துவர்களின் ஆலோசனையுடன் வலி நிவாரணி மாத்திரைகளை எடுத்துக் கொள்ளலாம். இவற்றை சரியாகப் பின்பற்றுவதன் மூலம் ஐந்து நாட்களில் குணமாகும் வாய்ப்பும் உள்ளது.
  
  
• கொப்பளங்கள் அமுங்கி மறைந்தவுடன் கருப்புப் புள்ளிகள், பாதிக்கப்பட்ட இடங்களில் தென்படும். இருப்பினும் கொஞ்ச நாட்களில் அந்த புள்ளிகளும் மறைந்து சருமம் பழையபடி நன்றாக ஆகிவிடும்.
  
  
•  நோய் தாக்கத்திற்கு ஆளான குழந்தைகளும் அவர்களின் பெற்றோர்களும் சுத்தத்தையும் சுகாதாரத்தையும் அதிக அளவு கடைப்பிடிப்பது முக்கியம்.
  
  
• விட்டமின் சி சத்து நிறைந்த உணவுகளை எடுத்துக்கொள்வது அவசியம். விட்டமின் சி உடலின் எதிர்ப்பு மையங்களைப் பலப்படுத்தும்.
  
  
• நிறைய தண்ணீர் அருந்த வேண்டும். கூடதலாக இளநீர், மாதுளை சாறு போன்றவற்றை பருகலாம்.
  
  
• பூண்டை உணவில் அதிகம் சேர்க்கலாம்
  
  
•  ஏசியினைப் பயன்படுத்தாமல் தவிர்த்துக் கொள்ள வேண்டும்.
  
  
• இளஞ்சூரிய ஒளி உடலில் படும்படி பார்த்துக் கொள்ளுங்கள். 
  
  
• தயிர், மோர், பழங்கள் போன்ற உணவுப் பொருட்களை அதிகம் உணவில் சேர்த்துக் கொள்ளலாம்.
  
  
•  சில குழந்தைகளுக்கு இளைப்பு(wheezing) வரும்.அந்த மாதிரி குழந்தைகளுக்கு மருத்துவர்கள் நெபுலைசர் பயன்படுத்துங்கள். 
  
  
• தொண்டை வலியால் சாப்பிட சிரமப்படுவார்கள். அந்த சமயத்தில் குழந்தைகளுக்கு அதிக அளவு உணவு கொடுத்து தாய்மார்கள் தொந்தரவு செய்யக் கூடாது.
  
  
• விழுங்குவதில் சிரமம் உள்ள குழந்தைகளுக்கு பால், கஞ்சி உணவுகளைத் தரலாம். இடைவெளிவிட்டு உணவுகளை பகுதியாகப் பிரித்துக் கொடுக்கலாம்.
  
  
•  போதிய அளவு தூக்கம் அவசியம்.