'நீங்கள்தான் என் அப்பாவை அடித்தீர்கள்'! ஸ்ரீசாந்த் மகளின் வார்த்தையால் நொறுங்கிய ஹர்பஜன்

ஸ்ரீசாந்த்தின் மகள் கூறிய வார்த்தைகளால் ஹர்பஜன் சிங் மிகவும் வருத்தப்பட்டதாக தெரிவித்துள்ளார். 

சர்ச்சையை ஏற்படுத்திய நிகழ்வு  

2008ஆம் ஆண்டு ஐபிஎல் போட்டியின்போது, மும்பை இந்தியன்ஸ் அணிக்காக விளையாடிய ஹர்பஜன் சிங், பஞ்சாப் அணியில் விளையாடிய ஸ்ரீசாந்தை அறைந்தார். இது கிரிக்கெட் வட்டாரத்தில் பெரும் பரபரப்பையும் சர்ச்சையையும் ஏற்படுத்தியது.

வைரலாகும் தோனி அணிந்த பியானோ சட்டை - விலை இவ்வளவா? அப்படி என்ன சிறப்பம்சம்?

அப்போது ஹர்பஜன் சிங் மீதமுள்ள போட்டிகளில் விளையாட இடைநீக்கம் செய்யப்பட்டார். என்றாலும் தற்போது இந்த விடயம் கிரிக்கெட் உலகில் பேசப்படும் ஒன்றாகவே உள்ளது. 

இந்நிலையில், ஹர்பஜன் சிங் (Harbhajan Singh) இந்த சம்பவத்தை தன் வாழ்நாளில் இருந்து நீக்க வேண்டும் என கூறியுள்ளார்.  

நான் செய்திருக்கக் கூடாது

அவர் மேலும் கூறுகையில், "ஸ்ரீசாந்துடன் நடந்த சண்டை; அதை நான் செய்திருக்கக் கூடாது. அதற்காக 200 முறை மன்னிப்புக் கேட்டேன். பல ஆண்டுகளுக்குப் பிறகு என்னை மிகவும் வேதனைக்குள்ளாக்கியது.

என்னவென்றால், நான் ஸ்ரீசாந்தின் மகளிடம் பேசிக்கொண்டிருந்தபோது, அவள் நான் உங்களுடன் பேச விரும்பவில்லை. நீங்கள்தான் என் அப்பாவை அடித்தீர்கள் என்றாள். அந்த வார்த்தை என் இதயத்தை நொறுக்கியது.

கண்ணீரை அடக்க முடியாத நிலைக்குச் சென்றேன். நான் அவள் மீது என்ன அபிப்ராயத்தை விட்டுச் சென்றேன் என்று என்னை நானே கேட்டுக்கொண்டேன். அவள் என்னைப் பற்றி மோசமான பார்வையில் நினைத்துக் கொண்டிருக்க வேண்டும்" என்றார்.

நான் அப்படிப்பட்ட ஆள் இல்லை

அத்துடன் அவள் என்னை அவளுடைய தந்தையை அடித்த நபராகவே பார்க்கிறாள். நான் மிகவும் மோசமாக உணர்ந்தேன். நான் இன்னமும் அவருடைய மகளிடம் மன்னிப்பு கேட்டுக்கொள்கிறேன், என்னால் எதுவும் செய்ய முடியாது.

நான் அவளிடம், ஆனால் உன்னை நன்றாக உணர வைக்க, நான் அப்படிப்பட்ட ஆள் இல்லை என்று உன்னை நினைக்க வைக்க ஏதாவது இருந்தால், தயவுசெய்து என்னிடம் சொல்லுங்கள் என்று கூறிக்கொண்டே இருக்கிறேன்.

அவள் வளர்ந்ததும், அவள் என்னை அதே பார்வையில் பார்க்கக்கூடாது என்று நான் விரும்புகிறேன். அவளுடைய மாமா எப்போதும் அவளுடன் இருப்பார்.

தன்னால் முடிந்த எந்த ஆதரவையும் வழங்குவார் என்று நினைக்கிறேன். அதனால்தான் அந்த அத்தியாயத்தை நீக்க விரும்புகிறேன் என தெரிவித்தார்.