ஒரே ஒரு காரணம்... இளவரசர் ஹரி அமெரிக்காவில் இருந்து வெளியேற்றப்படலாம்
இளவரசர் ஹரி தமது நினைக்குறிப்புகளில் வெளிப்படையாக குறிப்பிட்டுள்ள சில தகவல்கள், அவரை அமெரிக்காவில் இருந்து வெளியேற்றப்படும் நிலைக்கு கொண்டுசென்றுள்ளது.
வெளிப்படையாக ஒப்புக்கொண்ட ஹரி
இந்த விவகாரம் தொடர்பில் தற்போது குடிவரவு நிபுணர்கள் எச்சரித்துள்ளனர். 38 வயதான இளவரசர் ஹரி தமது நினைவுக்குறிப்புகள் புத்தகத்தில் கோகோயின் பயன்படுத்தியதாகவும், கஞ்சா புகைத்ததாகவும், போதைக்கு என காளான்கள் பயன்படுத்தியுள்ளதாகவும் வெளிப்படையாக ஒப்புக்கொண்டிருந்தார்.
இந்த விவகாரமே தற்போது அவருக்கு சிக்கலை ஏற்படுத்தியுள்ளதுடன், அவர் அமெரிக்கா செல்ல அல்லது அவரை அங்கிருந்து வெளியேற்றும் வாய்ப்புகள் அதிகம் என நிபுணர்கள் எச்சரித்துள்ளனர்.
அமெரிக்காவை பொறுத்தமட்டில், சட்டவிரோத போதை மருந்து பழக்கம் கொண்ட நபர்களுக்கு விசா அனுமதிப்பதில்லை. மேலும், தமது மனைவி மேகன் மெர்க்கலுடன் இளவரசர் ஹரி 2020ல் கலிஃபோர்னியாவுக்கு குடிபெயரும் போது தமது விசா விண்ணப்பத்தில் போதை மருந்து பயன்படுத்திய விவகாரம் பதிவு செய்தாரா என்பது குறித்து தகவல் இல்லை.
விசா ரத்து செய்யக்கூடிய வாய்ப்பு
ஆனால் ஹரி இந்த விடயம் குறித்து பதிவு செய்யாமல் மறைத்திருந்தால், அவரது விசா அதிகாரிகளால் ரத்து செய்யக்கூடிய வாய்ப்புகள் இருப்பதாக நிபுணர்கள் எச்சரிக்கின்றனர்.
Spare என்ற தமது நினைவுக் குறிப்புகள் புத்தகத்தில், தனது 17வது வயதில் முதன்முறையாக கோகோயின் பயன்படுத்தியதாக குறிப்பிட்டிருந்தார். அதன் பிறகும் குறிப்பிட்ட சில சந்தர்பங்களில் கோகோயின் பயன்படுத்தியதாகவும் பதிவு செய்திருந்தார்.
@pixel
மட்டுமின்றி, மேகன் மெர்க்கலுடன் முதல் சந்திப்புக்கு பின்னர் கஞ்சா புகைத்ததாகவும் அவர் குறிப்பிட்டுள்ளார். பொதுவாக, இதுபோன்ற போதை மருந்து பழக்கம் கொண்டவர்களுக்கு அமெரிக்க நிர்வாகம் விசா மறுப்பது வழக்கம். ஆனால் உரிய விளக்கம் அளிக்கப்பட்டால் அனுமதிப்பார்கள் என்றே கூறுகின்றனர்.
அமெரிக்க குடிவரவு விதிகளின் அடிப்படையில், ஒருவரின் தற்போதைய அல்லது முந்தைய போதை மருந்து பழக்கம் அல்லது குற்றவியல் நடவடிக்கைகளை கருத்தில் கொண்டு விசா நடவடிக்கைகளை முன்னெடுப்பார்கள்.
அளிக்கப்படும் விளக்கம் அதிகாரிகளுக்கு திருப்தி அளிக்கவில்லை என்றால் விசா மறுக்கவும் வாய்ப்புள்ளது. தற்போது ஹரி விவகாரத்தில் அவர் எந்த வகை விசா வைத்திருக்கிறார் என்பதில் விரிவான தகவல் இல்லை.
அமெரிக்காவில் குடியுரிமை மறுக்கப்படலாம்
மனைவியின் சார்பில் அவருக்கு விசா அளிக்கப்பட்டிருக்கலாம் அல்லது அசாதாரண திறன் கொண்டவர்களுக்கு வழங்கப்படும் O-1 விசா அவர் வைத்திருக்கலாம் என்றே கருதப்படுகிறது.
@getty
கலைஞர்கள், விளையாட்டு வீரர்களுக்கான O-1 விசா இளவரசர் ஹரிக்கு அளிக்கப்பட்டிருந்தால், மூன்று ஆண்டுகளுக்கு ஒருமுறை புதுப்பிக்க வேண்டும். அப்படியானால், ஹரியின் விசா இந்த ஆண்டு புதுப்பிக்க வேண்டும்.
ஆனால் புதிய விண்ணப்பத்தில் போதை மருந்து பழக்கம் தொடர்பில் அவர் குறிப்பிட வேண்டிய சூழல் தற்போது ஏற்பட்டுள்ளது.
இந்தமுறையும் அவர் தனது போதை மருந்து பழக்கத்தை விசா விண்ணப்பத்தில் குறிப்பிட மறுத்தால் ஹரிக்கு அமெரிக்காவில் குடியுரிமை மறுக்கப்பட வாய்ப்பிருப்பதாக நிபுணர்கள் எச்சரிக்கின்றனர்.