இளவரசர் ஹரியே காப்பியடிக்கும் ஹாலிவுட் நடிகர்! அவரின் மிரள வைக்கும் சொத்து மதிப்பு

பிரபல ஹாலிவுட் நடிகர் ரியான் ரெனால்ட்ஸை பின்பற்றி இளவரசர் ஹரி தனது ஊடக சாம்ராஜ்யத்தை உருவாக்குகிறார் என்ற செய்தி பரவலாக பேசப்படுகிறது. 

போலோ விளையாட்டு

தங்களது அரச கடமைகளில் இருந்து பின்வாங்கிய பின்னர் இளவரசர் ஹரி மற்றும் மேகன் இருவரும், மில்லியன்களை எவ்வாறு சம்பாதிக்க முயல்கின்றனர் என்பதைப் பற்றிய நெட்ஃபிலிக்ஸ் நிறுவனம் காட்டுகிறது.

ஆனால், ஊடகங்களுக்குள் நுழைவதற்கான ஹரியின் முந்தைய முயற்சிகள் தோல்வியுற்றத்தைத் தொடர்ந்து, அவர் Palm Beach polo மினி தொடர் மூலம் ஈர்க்கப்பட்டார்.

அத்துடன் அர்ஜென்டினா போலோ வீரர் நாச்சோ பிகுராஸுக்கு எதிராகவும் ஹரி விளையாடவும் செய்தார். அவர் கோல் அடித்து அவரின் அணி 3-1 என்ற கணக்கில் வெற்றி பெற்றது. 

இந்த நிலையில், பிரபல ஹாலிவுட் நட்சத்திரம் ரியான் ரெனால்டின் (Ryan Reynolds) கால்பந்து அணியான Wrexham, தற்போது உலகின் மிகவும் பிரபலமான கால்பந்து அணிகளில் ஒன்றாக மாறியுள்ளது.

இதற்கு காரணம் ரியானின் நட்சத்திர அந்தஸ்து மற்றும் அதனை விளம்பரப்படுத்திய ஆவணப்படம் தான். எனவே, இதனால் ஈர்க்கப்பட்ட இளவரசர் ஹரி (Harry), இதேபோல் தமது போலோ விளையாட்டையும் ஆவணப்படம் மூலம் பிரபலப்படுத்தலாம் என்று நம்புவதாக கூறப்படுகிறது.

யார் இந்த ரியான் ரெனால்ட்ஸ்?

கனடாவை பூர்வீகமாகக் கொண்ட ஹாலிவுட் நடிகர் ரியான் ரெனால்ட்ஸ் (47). 1993ஆம் ஆண்டு முதல் நடித்து வரும் ரியான், 'டெட்பூல்' கதாபாத்திரம் மூலம் உலகளவில் எண்ணற்ற ரசிகர்களை கொண்டுள்ளார்.

2018ஆம் ஆண்டில் Maximum Effort எனும் திரைப்பட தயாரிப்பு நிறுவனத்தை ரியான் தொடங்கினார். அதுமட்டுமன்றி Mint Mobile நிறுவனத்தின் பங்குதாரராகவும் மாறிய ரியான் ரெனால்ட்ஸ், வேல்ஸ் கால்பந்து கிளப் அணியான Wrexham-ஐ வாங்கினார். 

தற்போதுள்ள 3வது பழமையான தொழில்முறை கால்பந்து அணியான Wrexham, ரியானினால் வாங்கப்பட்டபோது தெளிவற்ற நிலையில் இருந்தது. ஆனால், தற்போது உலகின் மிகவும் பிரபலமான கால்பந்து அணிகளில் ஒன்றாக உள்ளது.

தற்போது இந்த அணியின் டி-ஷர்ட்டுகள் வேகமாக விற்பனையாகி வருகின்றன. ரியான் ரெனால்ட்ஸ் இதுமட்டுமின்றி இன்னும் சில தொழில்கள் மூலமாகவும் வருமானம் ஈட்டு வருகிறார்.

ஒரு படத்திற்கு 20 மில்லியன் டொலர்கள் ஊதியமாக பெறும் ரியானின் சொத்து மதிப்பு 350 மில்லியன் டொலர்கள் (இந்திய மதிப்பில் 29 ஆயிரம் கோடி) ஆகும்.