இதனால்தான் நான் இளவரசர் பிலிப் இறுதிச்சடங்கிற்கு செல்ல விரும்பவில்லை: உண்மையை போட்டு உடைத்த ஹரியின் மனைவி மேகன்

united kingdom prince philip prince harry meghan merkle queen elizabeth

By Balamanuvelan Apr 13, 2021 07:05 AM GMT

Balamanuvelan

in ஐக்கிய இராச்சியம்

Report

தான் இளவரசர் பிலிப்பின் இறுதிச்சடங்கிற்கு சென்றால், மக்கள் கவனம் தன் மீது திரும்பலாம் என்றும், அதைத் தவிர்ப்பதற்காகவே தான் இறுதிச்சடங்கிற்கு செல்லவிரும்பவில்லை என்றும் கூறியுள்ளார் இளவரசர் ஹரியின் மனைவியான மேகன்.

இளவரசர் ஹரி, தன் தாத்தாவின் இறுதிச்சடங்கில் பங்கேற்பதற்காக தன்னைத் தனிமைப்படுத்திக்கொள்ளவேண்டியுள்ளதால் இப்போதே பிரித்தானியாவுக்கு வந்துவிட்டார். ஆனால், அவரது மனைவியான மேகன், அமெரிக்காவில் கலிபோர்னியாவிலுள்ள தங்கள் வீட்டிலேயே இருந்துவிட்டார்.

இளவரசர் பிலிப்பின் இறுதிச்சடங்கின்போது மக்களுடைய கவனம் முழுவதும் அவர் மீது இருக்கும் என்றும், அதை திசை திருப்ப தான் விரும்பாததாலேயே தான் அவரது இறுதிச்சடங்கிற்கு செல்லவில்லை என்று மேகன் தெரிவித்துள்ளார்.

இதனால்தான் நான் இளவரசர் பிலிப் இறுதிச்சடங்கிற்கு செல்ல விரும்பவில்லை: உண்மையை போட்டு உடைத்த ஹரியின் மனைவி மேகன் | Harry S Wife Megan Who Broke The Truth

அது மட்டுமின்றி, மேகன் தற்போது ஆறு மாத கர்ப்பிணியாக இருப்பதால், அவர் பயணம் செய்வது நல்லதில்லை என அவரது மருத்துவரும் ஆலோசனை கூறியுள்ளாராம். அப்படியே மேகனால் விமானம் மூலம் பிரித்தானியாவுக்கு செல்லமுடியும் என்றாலும், அவரது தாயான டோரியா, மகள் கர்ப்பமாக இருக்கும்போது பயணம் செய்யக்கூடாது என கண்டிப்பாக சொல்லிவிட்டாராம்.

தான் இளவரசர் பிலிப்பின் இறுதிச்சடங்கிற்கு சென்றாலும் சரி, செல்லவில்லையானாலும் சரி, அது தனக்கும் மகாராணியாருக்கும் இடையிலான உறவை பாதிக்கப்போவதில்லை என்று கூறியுள்ள மேகன், அவர் தன்னைப் புரிந்துகொண்டுள்ளதாகவும், தான் குழந்தையின் நலனுக்காக தான் பத்திரமாக இருப்பதையே மகாராணியாரும் விரும்புவார் என்றும் தெரிவித்துள்ளார் மேகன்.

மேலும், இது, ஹரி, அவரது சகோதரர் வில்லியம் மற்றும் தந்தையுடனான உறவை சரிசெய்துகொள்வதற்கான தருணம் என்றும், அந்த நேரத்தில் தான் அங்கே இருக்கவேண்டிய அவசியம் இல்லை என்றும் கூறியுள்ளார் மேகன்.