இரவு உணவை 8 மணிக்கு முன்னாடி சாப்பிட்டால் உடம்பில் ஏற்படும் மாற்றங்கள் என்ன தெரியுமா?

பொதுவாக இன்றைய அவசர உலகில் இரவு உணவை முடிந்தவரையில் இரவு 7 மணியிலிருந்து 8.00 மணிக்குள்ளாக எடுத்துக் கொள்வது நல்லது என்று கூறப்படுகின்றது.   

ஏனெனில் நாம் இரவு தூங்குவதற்கு 3 முதல் 4 மணி நேரத்திற்கு முன்பாக, சாப்பிட்டு முடித்திருக்க வேண்டும். அப்படி செய்வதன் மூலம் உடலில் என்ன மாதிரியான மாற்றங்கள் உண்டாகும். குறிப்பாக ரத்த அழுத்தம் குறைவது, உடல் பருமன் ஆகியவற்றைத் தடுக்கும்.

அந்தவகையில் தற்போது 7 மணிக்கு முன்பு உணவை எடுத்து கொள்வதனால் உடலுக்கு கிடைக்கும் நன்மைகள் என்ன என்பதை பார்ப்போம். 

• நம்முடைய வயிறு மற்றும் குடலில் உள்ள அமிலம் மற்றும் நொதிகளின் சுரப்பு இரவு நேரத்தில் குறைந்து கொண்டே போகும். அதனால் நாம் உண்ணும் உணவு மிக எளிமையாக ஜீரணமாக ஆரம்பிக்கும். அதனால் மலச்சிக்கல் போன்ற பிரச்சினைகள் தீரும்.
  
  
• ஆசிடிட்டி பிரச்சினையால் அவதிப்படுகிறவர்கள் முடிந்தவரையில் இரவு உணவை 7.30 மணிக்கு முன்பாக முடித்துக் கொள்வது நல்லது. அது குடலில் ஏற்படும் அமிலத்தன்மையைக் குறைக்க உதவும். 
  
  
• இரவு உணவை சீக்கிரமாக எடுத்துக் கொள்ளும்போது அடுத்த நாள் காலையில் சாப்பிடுவதற்கு இடையே கிட்டதட்ட 12 மணி நேரம் உங்களுககு நேரம் கிடைக்கும். அது ஒரு நாள் விரதம் இருப்பதற்கு சமம். இதனால் அதிக நேரம் தூங்கவும் முடியும். விரதத்தின் பயன்களும் கிடைக்கும். 
  
  
•  இரவு உணவை மிக சீக்கிரமாக எடுத்துக் கொள்ளும்போது உணவு செரிமானம் சீராக நடக்கும். ஜீரண மண்டலமும் ஆரோக்கியமாக இருக்கும். அதனால் வயிற்றுப் பொருமல், உப்பசம் போன்ற வயிறு அழுத்தப் பிரச்சினைகள் எதுவும் இல்லாமல் நல்ல ஆழ்ந்த தூக்கத்தைப் பெற முடியும்.