எடை குறைய உதவும் சாம்பார் வெங்காயம்! வேறு என்ன நன்மைகளை தரும்?

சாம்பார் வெங்காயம் என அழைக்கப்படும் சின்ன வெங்காயத்தில் புரதச்சத்துக்கள், தாது உப்புக்கள், வைட்டமின்கள் உள்ளன. மேலும் வெங்காயம் நம் உடலுக்கு அதிக ஊட்டச்சத்தினை வழங்குகிறது.

 மேலும் கார்போஹைட்ரேட், பாஸ்பரஸ், கால்சியம், புரதம், இரும்புச்சத்து, மினரல்கள், வைட்டமின் மற்றும் பொட்டாசியம் என்று ஏகப்பட்ட சத்துக்கள் உள்ளன. 

பல நாடுகளில் வெங்காயத்தை மருந்துப் பொருளாகப் பயன்படுத்துகிறார்கள். நமது பாட்டி வைத்தியம் குறிப்புகளிலும், சித்த மருத்துவத்திலும் வெங்காயம் முக்கிய இடம் வகிக்கிறது.

இது பல நன்மைகளை உடலுக்கு வாரி வழங்குகின்றது. தற்போது அவை என்னென்ன என்பதை தெரிந்து கொள்வோம். 

• வெங்காய சூப் சாப்பிட்டு வந்தால் உடல் எடை குறையும். தினசரி 100 மில்லி அளவு வெங்காயச் சாறு எடுப்பது எடை இழப்பை ஊக்குவிக்கும். வெங்காயச்சாறை தனியாக எடுக்காமல் அதனுடன் சுவைக்கு தேன் சேர்க்கலாம்.
  
  
•  வேகவைத்த வெங்காயத்துடன் பூண்டு சேர்த்து கலந்து எடுக்கும் போது இரத்த அழுத்தத்தை குறைக்கும். உயர் இரத்த அழுத்தம் கொண்டிருப்பவர்கள் வெங்காயத்தை மருந்தாகவே சேர்க்கலாம். வெங்காயச்சாறுடன் பூண்டு சாறு சேர்க்கலாம்.
  
  
•   இரத்த சர்க்கரை கொண்டிருப்பவர்கள் வெங்காயத்தை பயன்படுத்துவதன் மூலம் இதன் அளவை கட்டுக்குள் வைக்கலாம். வெங்காயத்தில் இருக்கும் குரோமியம் தாது உடலில் காப்பு தாதுவை மேம்படுத்தும். வெங்காயம் பூண்டு கலந்து எடுக்கலாம். 
  
  
• வெங்காயத்தில் கந்தகம் உள்ளது. கந்தகம் புற்றுநோய் வராமல் தடுக்கும் ஆற்றல் கொண்டுள்ளது. 
  
  
• இருமல் மற்றும் சளித்தொற்று இருப்பவர்கள் வெங்காயத்தை சாறு எடுத்து அதில் தேன் கலந்து குடித்துவந்தால் சளி கரைந்து வெளியேறூம். இருமல் மட்டுப்படும்.
  
  
•  வெங்காயத்தை நசுக்கி தண்ணீர் விடாமல் சாறு எடுத்து வைக்கவும். இதை தேனீக்கள், குளவிகள் கடித்த இடத்தில் தடவி வந்தால் நாளடைவில் தடிப்புகள் சரியாகிவிடும்.
  
  
• அதிக நார்ச்சத்து காய்கறிகள் மூல நோய்க்கு மிகச்சிறந்தது. மூல நோய் இருப்பவர்கள் காய்கறிகளுடன் சம அளவு சிறு வெங்காயத்தை நறுக்கி நெய்யில் வறுத்து கலந்து சாப்பிட்டால் மூலம் கட்டுப்படும்.
  
  
• வெங்காயத்தை தோல் உரித்து மென்று சாப்பிட்டு வந்தால் பல் வலி படிப்படியாக குணமாகும். 
  
  
•  மூட்டு வலிகள் இருப்பவர்கள் வெங்காயம் மற்றும் சில மூலிகைகள் கலந்து அரைத்து பற்று போட்டால் கடினமான வலியை குறைக்க செய்யும்.
  
  
•  வெங்காயத்தை தோல் உரித்து நீரில் ஊறவைத்து மறுநாள் காலை முகத்தை கழுவினால் சருமம் பளிச்சிடும். சருமத்தில் இருக்கும் நிறமிகள் மற்றும் கரும்புள்ளிகள் மறைய வெங்காயத்தை சாறு எடுத்து பயன்படுத்தலாம். மருக்கள் மீது வெங்காயத்தை அரைத்து பேஸ்ட் ஆக்கி பயன்படுத்தலாம். இதனால் மருக்கள் உதிர்ந்துவிடும். 
  
  
•   வெங்காயச்சாறு முடி உதிர்தலுக்கும் தீர்வாக பயன்படுத்தப்படுகிறது. வெங்காய்ச்சாறை கூந்தலில் தேய்த்து வந்தால் வழுக்கை பிரச்சனை வராது. வாரத்தில் ஐந்து முறை இதை செய்து வந்தால் கூந்தல் பொலிவான தோற்றத்தை பெறும். 
  
  
•  பொடுகு பிரச்சனை இருந்தால் எலுமிச்சை சாறு, மோர், தேன் மற்றும் வெங்காயச்சாறு அனைத்தையும் கலந்து சம பாகங்கள் எடுத்து தலைமுடியில் உச்சந்தலையில் தடவி 30 நிமிடங்கள் விட்டு பிறகு இலேசாக கூந்தலை அலசி எடுக்கவும்.
  
  
•  பெண்கள் மாதவிடாய் நின்ற பிறகு வெங்காயம் எடுத்துகொள்வது எலும்பு அடர்த்திக்கு உதவும். ஆஸ்டியோபொராசிஸ் தடுக்கவும் பற்களின் ஆரோக்கியத்தை மேம்படுத்த உதவும்.  
  
  
•  வெங்காயத்தில் இருக்கும் வைட்டமின் ஏ கண் பார்வையை மேம்படுத்தவும் செய்யும். மாலைக்கண் நோய் மற்றும் கண்புரை அல்லது மாகுலர் சிதைவு அபாயத்தையும் குறைக்கலாம்.