லங்காசிறி FM
ஜேர்மனியை வாட்டியெடுத்த வெப்ப அலை... 5,000 கடந்த இறப்பு எண்ணிக்கை
ஜேர்மனியில் இந்த ஆண்டில் இதுவரை சுமார் 5,120 பேர் வெப்பம் தொடர்பான காரணங்களால் மரணமடைந்துள்ளதாகப் பதிவாகியுள்ளது.
பெண்களின் விகிதம்
இவர்களில் பெரும்பாலானோர் ஜூன் மாத இறுதியில், வாராந்திர சராசரி வெப்பநிலை 20 டிகிரி செல்சியஸை வெகுவாகத் தாண்டியிருந்த காலகட்டத்தில் மரணமடைந்துள்ளனர்.
மரணமடைந்தவர்களில் பெரும்பாலோர், சுமார் 4,270 பேர், 75 வயது மற்றும் அதற்கு மேற்பட்ட வயதுடையவர்கள் என்று RKI தனது வாராந்திர அறிக்கையில் தெரிவித்துள்ளது.
ஆண்களை விடப் பெண்களே அதிக எண்ணிக்கையில் மரணமடைந்துள்ளனர்; மிக முதியோர் பிரிவில் பெண்களின் விகிதம் அதிகமாக இருப்பதே இதற்குக் முக்கியக் காரணமாகும்.
ஜேர்மனியின் தரவுகள் ஐரோப்பா முழுவதிலும் நிலவும் ஒரு கவலைக்குரிய சூழலை மேலும் உறுதிப்படுத்துகின்றன. மேற்கு ஐரோப்பாவில் சராசரியாக 20.74 டிகிரி வெப்பநிலையுடன், இதுவரை பதிவானதிலேயே மிக வெப்பமான ஜூன் மாதம் நிலவியதாக ஐரோப்பிய ஒன்றியத்தின் 'கோப்பர்நிக்கஸ் காலநிலை மாற்றச் சேவை' (Copernicus Climate Change Service) வியாழக்கிழமை வெளியிட்ட அறிக்கை ஒன்றில் தெரிவித்துள்ளது.
கொலோன் நகரில் மட்டும்
பிரான்ஸ், பெல்ஜியம், ஸ்பெயின் மற்றும் நெதர்லாந்து ஆகிய நாடுகளில் ஜூன் 20 முதல் 28 வரை நிலவிய வெப்ப அலைகளின் போது, 4,700-க்கும் மேற்பட்ட கூடுதல் இறப்புகள் ஏற்பட்டுள்ளதாக அந்நாடுகளின் அதிகாரிகள் தெரிவித்துள்ளனர்.
RKI வெளியிட்டுள்ள தகவலின் அடிப்படையில், கடந்த பத்தாண்டுகளில் ஜேர்மனியில் வெப்பம் தொடர்பான மரணங்கள் மிக அதிக எண்ணிக்கையில் 2018 மற்றும் 2019 ஆகிய ஆண்டுகளில் பதிவாகியுள்ளன; அவ்விரு ஆண்டுகளிலும் முறையே 8,400 மற்றும் 6,900 இறப்புகள் ஏற்பட்டுள்ளன.
ஜூன் 27-28 திகதிகளில் நிலவிய கடும் வெப்ப அலை வீசிய வார இறுதியில், மேற்கு ஜேர்மனியின் கொலோன் நகரில் மட்டும் 120 பேர் மரணமடைந்தனர், இது வழக்கமான எண்ணிக்கையை விட நான்கு மடங்கு அதிகமாகும் என்று அந்நாட்டின் 'கிரீன்ஸ்' (Greens) கட்சியின் தலைவரான கத்தரீனா ட்ரோகே நாடாளுமன்ற விவாதத்தின்போது தெரிவித்தார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
