அன்று ஹிட்லர் விரும்பினார்... இன்று புடினால் அதை நிறைவேற விடாதீர்கள்: உக்ரேனிய நபர் உருக்கம்

பெரும் இன அழிப்பில் இருந்து உயிர் தப்பிய உக்ரேனியர் ஒருவர் ஜேர்மன் நாடாளுமன்றத்தில் ஒரு உணர்ச்சிமிக்க வேண்டுகோளை விடுத்துள்ளார்.

ஹிட்லர் கொல்ல விரும்பினார்

ரஷ்யாவின் அடியோடு அழிக்கும் போருக்கு எதிராக தீவிரமாக செயல்பட வேண்டும் எனவும் அவர் கேட்டுக்கொண்டுள்ளார்.

தாம் ஒரு யூதர் என்பதால் அப்போது ஹிட்லர் தம்மை கொல்ல விரும்பினார் என்றும், தாம் ஒரு உக்ரேனியர் என்பதால் தற்போது விளாடிமிர் புடின் தம்மை கொல்ல விரும்புகிறார் எனவும் குறிப்பிட்டுள்ளார் 88 வயதான Roman Schwarzman.

மேற்கு உக்ரைனில் உள்ள பெர்ஷாட்டில் பிறந்த Schwarzman, ஆஷ்விட்ஸ் முகாமின் விடுதலையைக் குறிக்கும் அதன் வருடாந்திர அமர்வுக்காக ஜேர்மன் நாடாளுமன்றத்தில் உரையாற்ற அழைக்கப்பட்டிருந்தார்.

நிரம்பும் சிறைகள்... கைதிகளை வெளிநாடுகளுக்கு அனுப்பும் ஐரோப்பிய நாடொன்று

உக்ரைனின் வதை முகாம் மற்றும் கெட்டோ உயிர் பிழைத்தவர்களுக்கான சங்கத்தின் தலைவராக தற்போது செயல்பட்டுவரும் Schwarzman தெரிவிக்கையில், டிசம்பர் 2023ல் ஒடேசாவில் உள்ள தமது குடியிருப்பு வளாகத்தை ஏவுகணை தாக்கிய நிலையில், ​​குடியிருப்பில் இருந்த அனைத்தும் மொத்தமாக நொறுங்கியபோது,

இன்னொரு இன அழிப்புக்கு

​​ரஷ்ய பயங்கரவாதம் தொடர்பில் நேரடி அனுபவம் ஏற்பட்டதாக குறிப்பிட்டுள்ளார். முன்னர் ஒருமுறை இப்படியான மிகக் கொடிய நெருக்கடியில் இருந்து தப்பியதாக குறிப்பிட்டுள்ள அவர், தற்போது வயதாகிவிட்டது, என் குழந்தைகளும் பேரக்குழந்தைகளும் இன்னொரு இன அழிப்புக்கு பலியாகிவிடுவார்களோ என்ற அச்சத்துடன் மீண்டும் வாழ வேண்டிய கட்டாயத்தில் இருப்பதாக குறிப்பிட்டுள்ளார்.

1945 மே மாதம் இரண்டாம் உலகப் போர் முடிவுக்கு வரும் போது ஐரோப்பாவில் 3.5 மில்லியன் யூதர்கள் மட்டுமே ஹிட்லரின் கொடுமைகளில் இருந்து உயிர் தப்பியிருந்தனர். 2024 ஜனவரி மாதம் வெளியான தரவுகளின் அடிப்படையில், அதில் 245,000 பேர்கள் உயிருடன் உள்ளனர் என்றே கூறப்படுகிறது.

இதனிடையே, உக்ரைனுக்கு கூடுதலாக 3 பில்லியன் யூரோக்கள் இராணுவ உதவியை அங்கீகரிக்குமாறு ஜேர்மனியின் நாடாளுமன்ற பட்ஜெட் குழு நிதியமைச்சர் ஜோர்க் குகீஸைக் கேட்டுக் கொண்டது குறிப்பிடத்தக்கது.