'மிக மிக ஆபத்து' இந்தியாவுக்கு பயணத் தடை விதித்த பிரபல நாடு

India Philippines Pakistan Travel Ban HongKong

By Ragavan Apr 19, 2021 08:31 AM GMT

Ragavan

in இந்தியா

Report

இந்தியா உள்ளிட்ட மூன்று ஆசிய நாடுகளுக்கு ஹொங்ஹொங் அரசு பயணத் தடை விதித்துள்ளது.

இந்தியா, பாகிஸ்தான் மற்றும் பிலிப்பைன்ஸ் ஆகிய நாடுகளில் இருந்து வரும் விமானங்களுக்கு வரும் ஏப்ரல் 20 முதல் தடை விதிப்பதாக ஹொங்ஹொங் அதிகாரிகள் ஞாயிற்றுக்கிழமை (ஏப்ரல் 18) அறிவித்தனர்.

இந்த தடை இரண்டு வாரங்களுக்கு நீடிக்கும் என்றும், ஹொங்ஹொங்கில் முதல் முறையாக N501Y COVID-19 திரிபு கண்டறியப்பட்ட பின்னர் இந்த முடிவு எடுக்கப்பட்டுள்ளதாகவும் அதிகாரிகள் தெரிவித்தனர்.

இந்த மூன்று நாடுகளும் 'மிக அதிக ஆபத்து' என வகைப்படுத்தப்படும் என்று அதிகாரிகள் மேலும் அறிவித்துள்ளனர். கடந்த 14 நாட்களில் இந்த நாடுகளிலிருந்து ஹொங்ஹொங்கிற்கு வந்த பலருக்கும் கொரோனா தொற்று உறுதி செய்யப்பட்டுள்ளதால் இவ்வாறு வகைப்படுத்தப்பட்டுள்ளது.

மேலும், இந்த மூன்று நாடுகளிலிருந்து வரும் கார்கோ விமானங்களுக்கும் ஹொங்ஹொங் அரசு தடை விதித்துள்ளது.

நாட்டின் சுகாதாரத் துறை வெளியிட்ட அறிக்கையின்படி, ஹொங்ஹொங் நகரத்தில் ஞாயிற்றுக்கிழமை 30 புதிய COVID-19 வழக்குகள் பதிவாகியுள்ளன, அவற்றில் 29 பேர் மார் நாடுகளிலிருந்து வந்தவர்கள் என தெரிவிக்கப்பட்டுள்ளது.

இது மார்ச் 15 முதல் பதிவான அதிகபட்ச தினசரி எண்ணிக்கை என்பது குறிப்பிடத்தக்கது. ஹொங்ஹொங்கில் மொத்தம் 11,600 பேர் கொரோன வைரஸால் பாதிக்கப்பட்டுள்ளனர் மற்றும் 209 பேர் இறந்துள்ளனர்.

COVID-19 க்கு எதிராக தடுப்பூசி போடுமாறு ஹாங்காங் அதிகாரிகள் குடியிருப்பாளர்களை வலியுறுத்தி வருகின்றனர், இதுவரை ஹாங்காங்கின் 7.5 மில்லியன் குடிமக்களில் 9% மக்களுக்கு மட்டுமே தடுப்பூசி போடப்பட்டுள்ளது.

மேலும் இந்தியா செய்திகளைப் படிக்க இங்கே அழுத்தவும்

முக்கிய செய்திகள் பிரபலமானவை

இன்றைய செய்திகள்