பட்டப்பகலில் நடந்த பயங்கரம்! ஓடி வந்து தலைக்கு பின்னால் சுட்டு தள்ளிய பெண்: சிசிடிவியில் பதிவான அதிர்ச்சி காட்சி
அமெரிக்காவில் பட்டப்பகலில் பெண் ஒருவர், இன்னொரு பெண் மீது துப்பாக்கிச் சூடு நடத்தி கொலை செய்த சம்பவத்தின் சிசிடிவி காட்சி வெளியாகி அதிர்ச்சியை ஏற்படுத்தியுள்ளது.
அமெரிக்காவின் Brooklyn-ல் இருக்கும் கடை ஒன்றிற்கு கடந்த புதன் கிழமை 51 வயது மதிக்கத்தக்க, Nichelle Thomas என்ற பெண் நடந்து செல்கிறார்.
அப்போது அவர் கடையின் கதவை திறக்கும் போது, அவர் பின்னால் திடீரென்று ஓடி வந்த Latisha Bell என்ற 38 வயது பெண், அவர் தலைக்கு பின்னால் துப்பாக்கியால் சுட்டுவிடுகிறார்.
இந்த சம்பவம் பட்டப்பகல் உள்ளூர் நேரப்படி 1 மணியளவில் நடந்துள்ளது. பரபரப்பு மிகுந்த இடத்தில், பொதுமக்கள் பலர் வந்து செல்லும் இடத்தில் இது போன்ற பயங்கர சம்பவம் நடந்துள்ளது.
துப்பாக்கியால் சுடப்பட்ட Nichelle Thomas, உடனடியாக பொலிசார் உதவியுடன் மருத்துவமனைக்கு கொண்டு செல்லப்பட, அவர் அங்கு சிகிச்சை பலனின்றி பரிதாபமாக உயிரிழந்தார்.
இது தொடர்பான சிசிடிவி காட்சிகள் அங்கிருக்கும் கமெராவில் பதிவாகியுள்ளது. இந்த சம்பவம் தொடர்பாக பொலிசார் மேற்கொண்ட முதற்கட்ட விசாரணையில், இவர்கள் இருவருக்கும் முன்பு நெருக்கமான உறவு இருந்துள்ளது.
ஆனால், கடந்த சில ஆண்டுகளாக இருவரும் பிரிந்து வாழ்ந்து வந்த நிலையில், இப்படி கொடூர செயலை Latisha Bell செய்துள்ளார் என்பது தெரியவந்துள்ளது.
மேலும் உயிரிழந்த Nichelle Thomas-க்கு இரண்டு குழந்தைகள் இருப்பதாக கூறப்படுகிறது.
துப்பாக்கிச்சூடு நடத்திய Latisha Bell உடனடியாக காவல்நிலையத்தில் சென்று ஆஜராகியுள்ளார். தொடர் விசாரணைக்கு பின்னரே இந்த கொலை சம்பவத்திற்கான முழு காரணம் தெரியவரும்.