பிரித்தானியாவில் ஹோட்டல் தனிமைப்படுத்துதல் மாற்றப்படலாம்! வெளியான முக்கிய தகவல்
பிரித்தானியாவிற்கு சிவப்பு பட்டியல் கொண்ட நாடுகளில் இருந்து திரும்பப்படும் நபர்களுக்கான ஹோட்டல் தனிமைப்படுத்ததலில் மாற்றம் வரலாம் என்ற தகவல் வெளியாகியுள்ளது.
கொரோனா வைரஸ் பரவல் மீண்டும் அதிகரிக்கலாம் என்ற காரணத்தினால், பிரித்தானியா சில நாடுகளை சிவப்பு பட்டியலில் வைத்துள்ளது.
அதன் படி, அந்த சிவப்பு பட்டியலில் இருக்கும் நாடுகளில் இருந்து மக்கள் பிரித்தானியாவிற்கு திரும்பினால், அவர்கள் அரசு அனுமதி பெற்ற ஹோட்டலில் 11 இரவுகள் தனிமைப்படுத்திக் கொள்ள வேண்டும். இதற்காக தனி நபருக்கு 2285 பவுண்ட் செலவு ஆகும்.
இது பிரித்தானியா திரும்பும் பலருக்கும் அதிர்ச்சியாக இருந்தது.
இந்நிலையில், போக்குவரத்து செயலாளர் Grant Shapps,இந்த விஷயத்தில் பயணிகளை ஹோட்டலுக்கு பதிலாக, வீட்டிலே சுயதனிமைப்படுத்திக் கொண்டு அதை முடித்து கொள்ள அனுமதிக்க முடிவு செய்துள்ளதாக கூறப்படுகிறது.
ஆனால், இது எந்த அளவிற்கு உண்மை என்பது தெரியவில்லை. அதே சமயம் இவரின் இந்த முடிவுக்கு, சுகாதார அமைச்சரான Sajid Javid உட்பட மற்ற அமைச்சர்கள் எதிர்ப்பு தெரிவித்து வருவதாக செய்தி வெளியாகியுள்ளது.
இந்த ஆண்டின் துவக்கத்தில் இருந்தே, இந்த சிவப்பு பட்டியல் கொண்ட நாடுகளின் பட்டியல் அறிமுகப்படுத்தப்பட்டது. அதன் படி இதுவரை சிவப்பு பட்டியல் கொண்ட நாடுகளில் இருந்து 200,000 மக்கள் ஹோட்டல்களில் தனிமைப்படுத்தப்பட்டனர்.
இந்த திட்டத்திற்கு கடும் விமர்சனம் எழுந்தது. ஒரு பயணி தங்கள் தங்கியிருக்கும் ஹோட்டல் அறையில் எலி இருப்பது குறித்து புகார் அளித்தார். ஆனால், பிரித்தானியா அரசோ வைரஸ் மற்றும் புதிய வகைக வைரஸ் பரவலைத் தடுப்பது அவசியம் என்று வலியுறுத்தி வருகிறது.
இந்நிலையில், வரும் திங்கட் கிழமை காலை 4 மணி முதல் தென் ஆப்பிரிக்கா மற்றும் மெக்ஸிகோ போன்ற 47 நாடுகள் சிவப்பு பட்டியலில் இருந்து நிக்கப்படவுள்ளது.
Colombia, the Dominican Republic, Ecuador, Haiti, Panama, Peru மற்றும் Venezuela ஆகிய 7 நாடுகள் மட்டுமே சிவப்பு பட்டியலில் உள்ளதால், ஹோட்டல் தனிமைப்படுத்தல் விதிமுறை மாறலாம் என்று கூறப்படுகிறது.
மேலும், போக்குவரத்துச் செயலாளர் Grant Shapps நேற்று , இந்த மாத இறுதிக்குள் இரண்டு தடுப்பூசி போட்டுக் கொண்ட பயணிகள், பிசிஆர் சோதனைக்கு பதிலாக,lateral flow பரிசோதனைக்கான திட்டம் அமுல்படுத்தப்படலாம் என்று கூறியிருந்தது குறிப்பிடத்தக்கது.