லங்காசிறி FM
சுவிஸ் மாகாணமொன்றில் பயங்கரமாக தீப்பற்றி எரிந்த வீடு: மூன்று குழந்தைகள் பலி
Balamanuvelan
in சுவிட்சர்லாந்து
சுவிஸ் மாகாணமொன்றில், வீடு ஒன்றில் தீப்பற்றியதில், அந்த வீட்டிலிருந்த மூன்று குழந்தைகள் பலியானார்கள், அவர்களுடைய பெற்றோருக்கு தீக்காயங்கள் ஏற்பட்டுள்ளன.
சுவிஸ் மாகாணமொன்றில் தீப்பற்றி எரிந்த வீடு
சுவிட்சர்லாந்திலுள்ள Lucerne மாகாணத்திலுள்ள Escholzmatt-Marbach என்னும் கிராமத்தில் அமைந்துள்ள வீடு ஒன்றில், நேற்று அதிகாலை 1.00 மணியளவில் தீப்பற்றியுள்ளது.
1.20 மணியளவில் பொலிசாருக்கு தகவல் கிடைக்க, அவர்கள் தீயணைப்புக்குழுவினருடன் சம்பவ இடத்துக்கு விரைந்துள்ளார்கள்.
ஆனால், அவர்கள் செல்லும்போது வீடு பயங்கரமாக எர்ந்துகொண்டிருந்திருக்கிறது. அந்த வீடு பற்றி எரிந்த காட்சியை 14 கிலோமீற்றருக்கு அப்புறமிருந்து பார்க்க முடிந்ததாக, சம்பவத்தைக் கண்ணால் கண்ட ஒருவர் தெரிவித்துள்ளார்.
தீயணைப்புத்துறையினருக்கு ஏற்பட்ட தர்ம சங்கடம்
வீடு தீப்பற்றி எரிந்துகொண்டிருக்க, அந்த வீட்டிலிருந்த பெரியவர்கள் தப்பி வந்துவிட்டார்கள். அவர்களில் 36 மற்றும் 43 வயதுடைய ஆண்கள் இருவருக்கு பயங்கரமான அளவில் காயங்கள் ஏற்பட்டுள்ளதால், அவர்கள் ஹெலிகொப்டர் மூலம் மருத்துவமனைக்குக் கொண்டு செல்லப்பட்டுவிட்டார்கள். அந்த வீட்டிலிருந்த 38 வயது பெண்ணுக்கு லேசான காயங்களே ஏற்பட்டுள்ளதால், அவருக்கு சம்பவ இடத்திலேயே சிகிச்சையளிக்கப்பட்டுள்ளது.
இந்நிலையில், வீட்டுக்குள் 6,7 மற்றும் 9 வயதுடைய மூன்று பிள்ளைகள் சிக்கிக்கொண்டுள்ளார்கள். அந்த வீடு மரவீடு என்பதால், அவர்களைக் காப்பாற்ற தீயணைப்புத்துறையினர் வீட்டுக்குள் சென்றால், அவர்களும் தீயில் சிக்கிக்கொள்ள நேரிடும் என்பதால், தீயணைப்புத்துறையினருக்கு தர்ம சங்கடமான சூழ்நிலை ஏற்பட்டுள்ளது.
ஆக, அந்த பிள்ளைகள் மூவரும் பற்றி எரியும் வீட்டுக்குள் சிக்கி உயிரிழந்துவிட்டார்கள். தப்பிய பெரியவர்களில் ஒருவர் பிள்ளைகளின் தாய், மற்றொருவர் அவரது ஆண் நண்பர், மற்றும் அதே வீட்டில் அந்தப் பெண்ணின் முன்னாள் கணவர், அதாவது, அந்தக் குழந்தைகளின் தந்தையும் வாழ்ந்துவந்துள்ளார்.
இந்த சம்பவம் அப்பகுதியில் கடுமையான அதிர்ச்சியையும் சோகத்தையும் உருவாக்கியுள்ள நிலையில், எப்படி அந்த வீட்டில் தீப்பற்றியது என்பதை அறிய பொலிசார் விசாரணை துவக்கியுள்ளார்கள்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
