லங்காசிறி FM
Post Office RD திட்டத்தில் ரூ.10 லட்சம் வருமானம் பெற மாதம் எவ்வளவு முதலீடு செய்ய வேண்டும்?'
தபால் நிலையத்தின் சிறு சேமிப்பு திட்டங்களில் ஒன்றான ரெக்கரிங் டெபாசிட் (Post Office Recurring Deposit) திட்டத்தை பற்றி இந்த பதிவில் பார்க்கலாம்.
Post Office Recurring Deposit
தபால் நிலையத்தின் திட்டங்களில் சிறந்த வருமானத்தை தரும் திட்டங்களில் ஒன்று தான் ரெக்கரிங் டெபாசிட் (Post Office Recurring Deposit) சேமிப்பு திட்டம். இந்த திட்டத்தில் நீங்கள் மிக குறைந்த தொகையில் இருந்தே சேமிப்பை தொடங்கலாம்.
முக்கியமாக, இந்த திட்டத்தில் உங்களது பணம் பாதுகாப்பாக இருக்கும். இந்த திட்டத்தில் ரூ.100 மற்றும் அதற்கு மேல் (ரூ. 10 இன் மடங்குகளில்) மாதாந்திர முதலீடுகளை செலுத்தலாம்.
Recurring Deposit கணக்குக்கான கால வரம்பு 5 ஆண்டுகள் ஆகும். ஒவ்வொரு காலாண்டு முடியும் போது கூட்டு வட்டியுடன் உங்களது கணக்கில் சேர்க்கப்படும். இந்த திட்டத்தில் 6.7% வட்டி (Interest) வழங்கப்படுகிறது.
RD கணக்கைத் திறக்க, உங்கள் ஆதார் அட்டை மற்றும் பான் கார்டை மட்டும் வழங்க வேண்டும்.
ரூ.10 லட்சம் வருமானம்
தபால் அலுவலக RD திட்டத்தில் நீங்கள் ரூ.10 லட்சம் வருமானம் பெறுவதற்கு மாதம் ரூ.15,000 முதலீடு செய்ய வேண்டும்.
தபால் அலுவலக RD -ல் ஐந்து ஆண்டுகளுக்கு (60 மாதங்கள்) மாதம் ரூ.15,000 முதலீடு செய்தால், மொத்த வைப்புத்தொகை ரூ.9,00,000 ஆகவும், பெறப்பட்ட வட்டி ரூ.1,70,492 ஆகவும் இருக்கும். இதன்படி, உங்கள் மொத்த முதிர்வுத் தொகை ரூ.10,70,492 ஆக கிடைக்கும்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
