இந்தியாவின் பிரதமருக்கு வழங்கப்படும் சம்பளம் எவ்வளவு தெரியுமா?

How much salary the Prime Minister of India receives?- இந்தியாவை நிர்வகிக்கும் முக்கிய பொறுப்புகளில் குடியரசுத் தலைவர், துணை குடியரசுத் தலைவர், பிரதமர், முதலமைச்சர்கள் உள்ளிட்டோர் உள்ளனர்.

இவர்களுக்கு மாத சம்பளத்துடன் பல்வேறு சலுகைகளும் வழங்கப்படுகின்றன.

அந்தவகையில், இந்தியாவின் குடியரசுத் தலைவர், பிரதமர், முதலமைச்சர்கள் ஆகியோர்களின் சம்பள விவரம் குறித்து பார்க்கலாம்.

குடியரசுத் தலைவர் சம்பளம்

இந்தியாவின் முதல் குடிமகனாக குடியரசுத் தலைவர் உள்ளார். முப்படைகளின் தலைமைத் தளபதியாகவும் அவர் செயல்படுகிறார்.

குடியரசுத் தலைவருக்கு மாதம் ரூ.5 லட்சம் சம்பளம் வழங்கப்படுகிறது. இவருக்கு அதிகாரப்பூர்வ வீடு, மருத்துவ வசதி, இலவச ரயில் மற்றும் விமானப் பயணம் உள்ளிட்ட பல சலுகைகள் வழங்கப்படுகின்றன.

பதவிக்காலம் முடிந்த பிறகு மாதம் ரூ.1.5 லட்சம் ஓய்வூதியம் வழங்கப்படுகிறது. வாடகையில்லாத வீடு மற்றும் பிற வசதிகளும் வழங்கப்படுகின்றன.

துணை குடியரசுத் தலைவர் சம்பளம்

துணை குடியரசுத் தலைவர் மாதம் ரூ.4 லட்சம் சம்பளம் பெறுகிறார். 2018ஆம் ஆண்டு இந்த சம்பளம் ரூ.1.25 லட்சத்தில் இருந்து ரூ.4 லட்சமாக உயர்த்தப்பட்டது.

இவருக்கு இலவச வீடு, மருத்துவ வசதி, பாதுகாப்பு, ரயில் மற்றும் விமானப் பயணம் உள்ளிட்ட சலுகைகள் வழங்கப்படுகின்றன.

பிரதமரின் சம்பளம்

இந்திய பிரதமருக்கு மாதம் சுமார் ரூ.2.80 லட்சம் சம்பளம் வழங்கப்படுகிறது. இதில் அடிப்படை சம்பளம், நாடாளுமன்றப் படி, செலவுப்படி மற்றும் தினசரிப்படி ஆகியவை அடங்கும்.

பிரதமருக்கு சிறப்பு பாதுகாப்பு, அதிகாரப்பூர்வ வீடு, பயண வசதி மற்றும் பணியாளர்கள் உள்ளிட்ட பல்வேறு சலுகைகள் வழங்கப்படுகின்றன.

முதலமைச்சர்களின் சம்பளம்

முதலமைச்சர்களின் சம்பளம் ஒவ்வொரு மாநிலத்திலும் மாறுபடுகிறது. தெலங்கானா முதலமைச்சருக்கு மாதம் ரூ.4.10 லட்சம் சம்பளம் வழங்கப்படுகிறது.

திரிபுரா முதலமைச்சருக்கு ரூ.1.05 லட்சம் வழங்கப்படுகிறது. தமிழ்நாடு முதலமைச்சரின் மாத சம்பளம் ரூ.2.05 லட்சமாக உள்ளது. இதனுடன் வீடு, பயணம், தொலைபேசி உள்ளிட்ட பல்வேறு சலுகைகளும் வழங்கப்படுகின்றன.

நாடாளுமன்ற உறுப்பினர்களின் சம்பளம்

நாடாளுமன்ற உறுப்பினர்களுக்கு மாதம் ரூ.1.24 லட்சம் சம்பளம் வழங்கப்படுகிறது. நாடாளுமன்ற கூட்டங்களில் பங்கேற்பதற்காக தினசரி ரூ.2,500 படி வழங்கப்படுகிறது.

மேலும், தொகுதிப் படியாக ரூ.45,000 மற்றும் அலுவலகச் செலவுக்காக ரூ.45,000 வழங்கப்படுகிறது.

சட்டமன்ற உறுப்பினர்களின் சம்பளம்

சட்டமன்ற உறுப்பினர்களின் சம்பளம் மாநிலத்திற்கு மாநிலம் மாறுபடுகிறது. தெலங்கானா சட்டமன்ற உறுப்பினர்களுக்கு மாதம் ரூ.2.50 லட்சம் சம்பளம் வழங்கப்படுகிறது.

தமிழ்நாடு சட்டமன்ற உறுப்பினர்களுக்கு மாதம் ரூ.1.05 லட்சம் அடிப்படை சம்பளம் வழங்கப்படுகிறது.