டெக் டிப்ஸ்: லேப்டாப்பை சுத்தம் செய்யும் போது கடைபிடிக்கவேண்டிய முன்னெச்சரிக்கைகள்..

மடிக்கணினிகள் இக்காலத்தில் கிட்டத்தட்ட அனைவரிடமும் இருக்க வேண்டிய கேட்ஜெட் ஆகிவிட்டது. இது அலுவலகம் முதல் வீடு வரை பரவலாகப் பயன்படுத்தப்படுகிறது. அது ஒரு மாணவராக இருந்தாலும் சரி அல்லது வேலை செய்பவர்களும் இருந்தாலும் சரி, அனைவரும் மடிக்கணினியைப் பயன்படுத்துகிறார்கள். இருப்பினும், இப்போது புதிய மேம்பட்ட மடிக்கணினிகள் புதிய தொழில்நுட்பத்துடன் கிடைக்கின்றன. அடுத்த தலைமுறை தொழில்நுட்பங்கள் வந்துவிட்டன.

இருப்பினும், மடிக்கணினியைப் பயன்படுத்தும் போது சில முன்னெச்சரிக்கை நடவடிக்கைகளை எடுக்க வேண்டும். கண்மூடித்தனமாக பயன்படுத்தினால் சீக்கிரம் கெட்டுப்போக வாய்ப்புள்ளது.

குறிப்பாக மடிக்கணினிகளின் திரை மிகவும் சென்சிட்டிவானது. சிறிதளவு அழுத்தம் அல்லது ரசாயனங்களின் பயன்பாடு திரையை சேதப்படுத்தும். இதுபோன்ற சந்தர்ப்பங்களில், திரையை சுத்தம் செய்யும் போது சில முன்னெச்சரிக்கை நடவடிக்கைகளை எடுக்க வேண்டும். இல்லையெனில் ஆயிரக்கணக்கில் செலவை வைத்துவிடும்.

மடிக்கணினிகளைப் பயன்படுத்தும் போது, ​​தொந்தரவு செய்யும் பொருள்கள் எதுவும் இல்லை என்பதை உறுதிப்படுத்திக் கொள்ள வேண்டும். மடிக்கணினியில் ஏதேனும் பொருள் பட்டால் அது விரைவில் சேதமடைய வாய்ப்புள்ளது. அதைப் பயன்படுத்தும் போது நீங்கள் மிகவும் மென்மையாக இருக்க வேண்டும் என்பதை நினைவில் கொள்க.

மேலும் மடிக்கணினியை சுத்தம் செய்யும்போது என்னென்ன முன்னெச்சரிக்கை நடவடிக்கைகளை எடுக்க வேண்டும்..? விஷயத்தைப் பற்றி தெரிந்து கொள்வோம்.

மடிக்கணினி வாங்கும் போது இந்த விஷயங்களை மனதில் கொள்ளுங்கள்:

• மடிக்கணினி திரைகளை சுத்தம் செய்ய இரசாயனங்கள் பயன்படுத்த கூடாது என பெரும்பாலான நிபுணர்கள் பரிந்துரைக்கின்றனர். அவ்வாறு செய்வது உங்கள் லேப்டாப் திரை மற்றும் வன்பொருளை சேதப்படுத்தலாம்.
• திரையில் இருந்து தூசியை அகற்ற எந்த வகையான ஸ்ப்ரேயையும் பயன்படுத்த வேண்டாம். இது மடிக்கணினியின் வன்பொருளை சேதப்படுத்தும்.
• திரையை சுத்தம் செய்ய ஆல்கஹால் அல்லது எந்த ரசாயனங்களையும் பயன்படுத்த வேண்டாம்.

இக்காலத்தில் அனைத்து தொலைக்காட்சிகள் மற்றும் மடிக்கணினிகள் LCD திரைகளுடன் வருகின்றன. இரசாயனங்கள் அதை சேதப்படுத்தும்.

எப்படி சுத்தம் செய்வது?

• மடிக்கணினி திரையை சுத்தம் செய்ய உலர்ந்த பருத்தி துணி அல்லது மைக்ரோஃபைபர் துணியைப் பயன்படுத்தவும்.
• சுத்தமான துணியைப் பயன்படுத்த மறக்காதீர்கள். அதனால் அதில் உள்ள தூசி துகள்கள் திரையில் கீறாமல் இருக்கும்.
• திரையை சுத்தம் செய்யும் போது, ​​அழுத்தத்தின் காரணமாக கீறல்கள் மற்றும் திரையை சேதப்படுத்தாமல் இருக்க உங்கள் கைகளால் மென்மையாக துடைக்கவும்.
• திரையில் கறை படிந்திருந்தால், முதலில் உலர்ந்த துணியால் திரையை சுத்தம் செய்யவும். பிறகு சற்று ஈரமான துணியால் திரையைத் துடைக்கலாம். ஆனால் உள்ளே தண்ணீர் செல்லாமல் பார்த்துக்கொள்ளவும்.
• திரை இன்னும் சுத்தமாக இல்லை என்றால், மைக்ரோஃபைபர் துணியில் சிறிது சானிடைசரை தடவி மெதுவாக தேய்க்கவும்.
• எல்சிடி திரையில் எந்த இரசாயனங்களையும் பயன்படுத்த வேண்டாம்.
• திரையை சுத்தம் செய்யும் போது, ​​அதை ஒரு வட்ட இயக்கத்தில் துடைக்கவும்.
• குறிப்பாக மூலைகளை சுத்தம் செய்யும் போது துணியை உலர்வாக வைத்துக்கொள்ளவும்.