அரை கிலோ சிக்கன் இருக்கா? உடனே சிக்கன் மோமோஸ் செய்து பாருங்க

வட இந்தியாவிலேயே மிகவும் பிரபலமான ஒரு உணவில் முக்கிய பங்கு வகிப்பது மோமோஸ். இது தென் இந்தியாவிலும் பிரபலமாகி இருகிறது.

மோமோஸ் என்பது நம்மிள் பலருக்கு மிகவும் பிடித்த ஒரு உணவாகும். சிறியவர் முதல் பெரியவர் அவரை அனைவருக்கும் பிடித்த மோமோஸ் சாப்பிடுவார்கள்.

ஆகவே இதை வெளியில் சென்று சாப்பிடாமல் வீட்டிலேயே எப்படி செய்து சாப்பிடலாம் என பார்க்கலாம்.

தேவையான பொருள்கள்

• சிக்கன் – 250 கிராம் (எலுமில்லாத சிக்கன்)
  
  
• வெங்காயம் – 2
  
  
• குடைமிளகாய் – 3 ஸ்பூன்
  
  
• பூண்டு – 10 பற்கள்
  
  
• பச்சைமிளகாய் – 1
  
  
• வரமிளகாய் – 2
  
  
• மிளகு தூள் – 1/2 டீஸ்பூன்
  
  
• தேங்காய் எண்ணெய் – 2 டீஸ்பூன்
  
  
• உப்பு – ஒரு சிட்டிகை
  
  
• கொத்தமல்லி – சிறிதளவு
  
  
• மைதா மாவு – 200 கிராம்
  
  
• எண்ணெய் – சிறிதளவு
  
  
• தண்ணீர் – தேவையான அளவு

செய்முறை

• முதலில் வர மிளகாயை மிக்ஸியில் சேர்த்து அரைத்துக்கொள்ளவும்.  
  
  
• பின் 250 கிராம் அளவிக்கு எலுமில்லாத சிக்கன் எடுத்து அதை நன்றாகக் கழுவி, மிக்ஸியில் சேர்த்து அரைத்துக்கொள்ளவும்.
  
  
•  200 கிராம் அளவிற்கு மைதா மாவு அதில் உப்பு மற்றும் தண்ணீர், எண்ணெய் சேர்த்து பிசைந்துக்கொள்ளவும்.
  
  
•  அதை சப்பாத்தி பதத்திற்கு பிசைந்து, 10 முதல் 20 நிமிடங்கள் ஒரு தட்டு போட்டு மூடி வைக்கவும்.
  
  
•  அடுத்து அரைத்த சிக்கனை ஒரு பாத்திரத்தில் சேர்த்து, அரைத்த வரமிளகாய் பொடி மற்றும் பூண்டு, வெங்காயம், பச்சை மிளகாய் குடைமிளகாய் சேர்க்கவும்.
  
  
• அதில் சிறிதளவு உப்பு மற்றும் அரை ஸ்பூன் அளவிற்கு மிளகு தூள் மற்றும் தேங்காய் எண்ணெய், கொத்த மல்லி இலையை சேர்த்து பிசைந்துக்கொள்ளவும்.
  
  
• ஊற வைத்த மைதா மாவை எடுத்து சிறிய சிறிய உருண்டைகளைப் பிடித்து தனியாக ஒரு தட்டில் வைக்கவும்.
  
  
• அதை சப்பாத்தி கல்லில் வைத்து சிறிய வடிவில் தட்டி, அதில் சிக்கன் கலவையை வைத்து உருட்டி எடுத்துக்கொள்ளவும்.
  
  
• அடுப்பில் ஒரு இட்லி பாத்திரத்தை வைத்து அந்த பாத்திரத்தின் உள்ளே தண்ணீர் ஊற்றி அதன் மேல் தட்டில் மோமோஸ் வைத்து வேக வைக்கவும்.
  
  
• அதை 15 நிமிடங்கள் முதல் 20 நிமிடங்கள் வேக வைக்க வேண்டும்.
  
  
• இறுதியாக அடுப்பில் இருந்து இறக்கி பரிமாறலாம்.