மொறு மொறுவென மாலை நேர ஞானகதா செய்வது எப்படி?

பொதுவாகவே நாம் அனைவரும் மாலை நேரத்தில் தேநீருடன் இனிப்பு சம்பந்தமான பிஸ்கட் போன்ற பொருட்களை எடுத்துக்கொள்வது வழக்கம்.

பழங்காலத்தில் முன்னோர்கள் சாப்பிட்டு வந்த பிஸ்கட் வகைகளைத்தான் இன்றும் கிராமங்களில் பலர் செய்து வருகிறார்கள். அதில் பிரபல்யமான ஒன்று தான் ஞானகதா. 

இது பார்ப்பதற்கு மொறு மொறுவென சீனியை மேலால் தூவியது போல் இருக்கும். இதன் சுவைக்கு அடிமையாக நாக்கே கிடையாது என்று கூறலாம்.

அந்தவைகயில் இலங்கையில் பிரபல்யமாக இன்று வரை கிராமப்புறங்களில் செய்யக்கூடிய இந்த ஞானகதானை எப்படி இலகுவான முறையில் வீட்டிலேயே செய்யலாம் என தெரிந்துக்கொள்வோம். 

தேவையான பொருட்கள்

• 2 டீஸ்பூன் வெண்ணெய்
  
  
• 2 டீஸ்பூன் தூள் சர்க்கரை
  
  
• 1  முட்டை
  
  
• வெண்ணிலா எசன்ஸ்
  
  
• உப்பு
  
  
• 250 கிராம் மாவு
  
  
• 1 தேக்கரண்டி பேக்கிங் பவுடர்
  
  
• சிறிது சர்க்கரை (பிஸ்கட்டின் மேல் தெளிக்க)

செய்முறை

• ஒரு பாத்திரத்தில் வெண்ணெயில் 2 டீஸ்பூன் தூள் சர்க்கரை சேர்த்து கலந்துக்கொள்ள வேண்டும். 
  
  
• பின் அதில் முட்டையை சேர்த்துக் கலந்துக்கொண்டே வெண்ணிலா எசன்ஸ் மற்றும் உப்பு சேர்த்து கலக்கவும்.
  
  
• அடுத்து மாவில் 1 டீஸ்பூன் பேக்கிங் பவுடர் சேர்த்து, கலவையில் வடிகட்டவும்.
  
  
• இந்த கலவையை கையால் கலக்க வேண்டும். பின் சிறிய துண்டுகளாக எடுத்துக்கொள்ளவும்.
  
  
• சிறிய துண்டுகளாக எடுத்த மா கலவையை பிஸ்கட் வடிவத்திற்கு தட்டி எடுக்கவும்.
  
  
• பிஸ்கட்டின் மேல் பகுதியை சிறிது தண்ணீரில் நனைத்து, சிறிது சர்க்கரையில் இந்த பகுதியை நனைக்கவும்.
  
  
• அடுப்பை 180 செல்சியஸுக்கு முன்கூட்டியே சூடாக்கி, பிஸ்கட்களை ஒரு தட்டில் காகிதத்தை விரித்து அதில் அந்த பிஸ்கட்டுகளை அடுக்கி சுமார் 20 நிமிடங்கள் சுட்டு எடுத்தால் சுவையான ஞானகதா ரெடி!