மாதவிடாய் வலியை போக்கும் உளுந்து லட்டு செய்வது எப்படி?

By Kirthiga Feb 24, 2024 11:25 AM GMT

Kirthiga

in உணவு

Report

பொதுவாகவே உளுந்து வைத்து இட்லி, தோசை, வடை, களி தான் செய்வது வழக்கம். உளுந்து என்றாலே அனைவருக்கும் ஞாபகத்திற்கு வருவது அதன் மருத்துவ குணங்கள் தான்.

ஆம். பெண்கள் பூப்படைந்தாலும் அதனால் தான் உளுந்து வைத்து களி செய்துக் கொடுக்கிறார்கள். 100 கிராம் உளுந்தில் கிட்டத்தட்ட 18 கிராம் நார்ச்சத்து இருக்கிறது.

எனவே உளுந்து வைத்து எப்படி சுவையான உளுந்து லட்டு செய்யலாம் என இந்த பதிவில் தெரிந்துக்கொள்வோம்.

தேவையான பொருட்கள்

முழு உளுந்து - 1 கப்
அரிசி - 2 மேசைக்கரண்டி
நெய் - 1 மேசைக்கரண்டி

முந்திரி பருப்பு - கால் கப்
வெல்லம் - 3 மேசைக்கரண்டி
ஏலக்காய் தூள் - 1 தேக்கரண்டி
நெய் - 2 மேசைக்கரண்டி

மாதவிடாய் வலியை போக்கும் உளுந்து லட்டு செய்வது எப்படி? | How To Make Gram Flour Laddu Recipe In Tamil

செய்முறை

ஒரு பாத்திரத்தில் நெய் மற்றும் முந்திரி பருப்பு சேர்த்து வறுத்து கொள்ளவும்.
அடுத்து முழு உளுந்து, அரிசி இவற்றையும் எண்ணெய் இன்றி வறுத்து நன்கு ஆறவிடவும்.

வறுத்த முழு உளுந்து மற்றும் அரிசியை மிக்ஸியில் சேர்த்து அரைக்கவும். பின்பு இதனுடன் வெல்லம், ஏலக்காய் தூள் இவற்றையும் சேர்த்து அரைத்து கொள்ளவும்.
அரைத்த மாவை ஒரு பாத்திரத்திற்கு மாற்றி வறுத்த முந்திரி, நெய் சேர்த்து நன்கு கலக்கவும்.
பின் கையில் நெய் தடவி சிறு சிறு உருண்டைகளாக உருட்டி எடுத்தால் சுவையான உளுந்து லட்டு தயார்!

உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள்.

மேலும் உணவு செய்திகளைப் படிக்க இங்கே அழுத்தவும்

முக்கிய செய்திகள் பிரபலமானவை

இன்றைய செய்திகள்