பெண்களே முகத்தில் தேவையற்ற முடி வளருதா? இதனை நிரந்தரமாக அகற்ற இதோ அற்புத வழிகள்

 பொதுவாக பெண்கள் சிலருக்கு உதடுகளுக்கு மேல்புறமும், தாடைக்கு கீழ்புறமும் முடி வளர்வதைப் வழக்கம்.

இதற்கு காரனம் ஆண்களின் உடலில் முடி வளர்வதைத் தூண்டும் ஹார்மோன்கள், பெண்களின் உடலில் சுரக்கும்போது இது போன்ற தேவையற்ற முடிகள் முகத்தில் வளர்கிறது.

சில இயற்கை முறைகளை பின்பற்றினாலே இதிலிருந்து விடுபட முடியும். தற்போது அவை என்னென்ன என்பதை பார்ப்போம்.

• சிறிதளவு சர்க்கரையுடன், எலுமிச்சை சாறு மற்றும் தண்ணீர் ஆகியவற்றை ஒன்றாக கலந்து, கலவையாக தயார் செய்து கொள்ளவும். இந்த கலவையை முகத்தில் இருக்கும் ரோமங்கள் மீது தடவி 5 நிமிடம் மசாஜ் செய்யவும். பின்பு குளிர்ந்த நீரால் முகத்தை கழுவ வேண்டும். முகத்தில் உள்ள தேவையற்ற முடிகளை நீக்க இந்த முறையை வாரத்தில் இரண்டு முறை செய்து வந்தால் முகத்தில் வளரும் முடியின் வளர்ச்சியை தடுக்கலாம்.
  
  
•  மஞ்சள் தூள், சிறிதளவு உப்பு, எலுமிச்சை சாறு மற்றும் பால் ஆகியவற்றை ஒன்றாக கலந்து முகத்தில் தடவி முகத்தில் மசாஜ் செய்ய வேண்டும். பின்பு முகத்தை நீரில் கழுவ வேண்டும். இந்த முறையை வாரத்தில் இரண்டு முறை செய்து வர முகம் பளபளப்பாவதுடன், முகத்தில் இருக்கும் முடி உதிர்ந்து விடும்.
  
  
• ஒரு கிண்ணத்தை எடுத்து கொள்ளவும். அவற்றில் சிறிதளவு கடலை மாவு, தேவையான அளவு மஞ்சள் தூள் மற்றும் சிறிதளவு கடுகு எண்ணெய் ஆகியவற்றை ஒன்றாக கலந்து, ஒரு பேஸ்ட்டு போல் தயாரித்து கொள்ளவும். பின்பு முகத்தில் இருக்கும் ரோமங்களின் மீது தடவி சிறிது நேரம் கழித்து முகத்தை குளிர்ந்த நீரால் நன்கு தேய்த்து கழுவ வேண்டும். இவ்வாறு செய்வதினாலும் கூட முகத்தில் இருக்கும் தேவையற்ற முடிகள் உதிர்ந்து விடும்.
  
  
• சிறிதளவு கஸ்தூரி மஞ்சள் தூள் மற்றும் தேவையான அளவு பால் ஆகியவற்றை ஒன்றாக கலந்து சருமத்தில் இருக்கும் ரோமங்கள் மீது தடவி, சிறிது நேரம் கழித்து, முகத்தை குளிர்ந்த நீரால் கழுவ வேண்டும்.
  
  
• சிறிதளவு எலுமிச்சை சாறுடன், தேவையான அளவு தேன் கலந்து முகம் மற்றும் கழுத்து பகுதில் தடவி 15 முதல் 20 நிமிடம் வரை காத்திருக்கவும். பின்பு குளிர்ந்த நீரால் முகத்தை கழுவ வேண்டும். இவ்வாறு வாரத்தில் இரண்டு முறை தொடர்ந்து செய்து வர முகத்தில் உள்ள முடி நீங்க ஆரமிக்கும்.