லங்காசிறி FM
MiG-21 போர் விமானங்களை மொத்தமாக கைவிடும் இந்திய விமானப்படை
இந்தியாவின் முதல் சூப்பர்சோனிக் போர் விமானங்களான மிக்-21 ரக விமானங்களை மொத்தமாக கைவிட இந்தியா முடிவு செய்துள்ளதாக தகவல் வெளியாகியுள்ளது.
பறக்கும் சவப்பெட்டி
வெளிவரும் தகவலின் அடிப்படையில், செப்டம்பர் 19 அன்று சண்டிகர் விமானப்படை தளத்தில் ஒரு பிரமாண்டமான பிரியாவிடை விழா நடைபெறும் என்றே கூறப்படுகிறது.
கடைசியாக செயல்பாட்டில் இருந்த மிக்-21 விமானங்கள், பாந்தர்ஸ் என்று அழைக்கப்படும் 23வது படைப்பிரிவைச் சேர்ந்தவை. 1963 ஆம் ஆண்டு அவை விமானப்படையில் சேர்க்கப்பட்டதிலிருந்து அனைத்து முக்கிய இந்திய இராணுவ நடவடிக்கைகளிலும் மிக்-21 ரக விமானங்கள் முக்கிய பங்கு வகித்தன.
1965 மற்றும் 1971 ஆம் ஆண்டு பாகிஸ்தானுடனான போர்கள் முதல் 1999 இல் கார்கில் போர் மற்றும் 2019 இல் பாலகோட் தாக்குதல்கள் வரை, மிக்-21 விமானங்கள் இந்தியாவின் வான் பாதுகாப்பின் மையமாக இருந்து வருகின்றன.
500 சதவீத வரி... பொருளாதாரத்தை சிதைப்போம்: இந்தியாவிற்கு ட்ரம்ப் நிர்வாகத்திடம் இருந்து கெட்ட செய்தி
புகழ்பெற்ற வரலாற்றைக் கொண்டிருந்தாலும், மிக்-21 ரக விமானங்களும் விவாதங்களில் சிக்கியுள்ளது. பல ஆண்டுகளாக, அடிக்கடி ஏற்படும் விபத்துகள் மிக்-21 ரக விமானங்களுக்கு பறக்கும் சவப்பெட்டி என்ற துரதிர்ஷ்டவசமான புனைப்பெயரைப் பெற்றுத் தந்தன.
இருப்பினும், இந்தியாவின் விமான சக்தியை வடிவமைப்பதில் அவற்றின் முக்கியத்துவத்தை மறுக்க முடியாது. இந்தியா 850க்கும் மேற்பட்ட மிக்-21 விமானங்களை இயக்கியுள்ளது, இதன் மூலம் உலகின் மிகப்பெரிய மிக்-21 விமானக் குழுவாக இந்தியா திகழ்கிறது.
சுமார் 60 நாடுகள்
சுமார் 600 மிக்-21 விமானங்கள் இந்தியாவில் இந்துஸ்தான் ஏரோநாட்டிக்ஸ் லிமிடெட் (HAL) நிறுவனத்தால் கட்டமைக்கப்பட்டன. சோவியத் ரஷ்யா மற்றும் இந்தியா கூட்டணியால் இந்த விமானங்கள் உருவாக்கப்பட்டுள்ளன.
1955 முதல் மொத்தம் 11,496 மிக்-21 விமானங்கள் தயாரிக்கப்பட்டுள்ளன. அதில் 840 விமானங்கள் இந்தியா தரப்பிலும், 10,645 மிக்-1 விமானங்களை சோவொயத் ரஷ்யாவும் கட்டமைத்துள்ளதாக தெரிவிக்கின்றனர்.
நான்கு கண்டங்களில் சுமார் 60 நாடுகள் மிக்-21 விமானங்களை இயக்கியுள்ளன, மேலும் மிக்-21 தனது முதல் விமானப் பயணத்திற்கு ஏழு தசாப்தங்களுக்குப் பிறகும் பல நாடுகளுக்கு சேவை செய்கிறது. 1986ல் கடைசியாக அதன் தயாரிப்பு நிறுத்தப்பட்டது.
தற்போது இந்திய விமானப்படையும் மிக்-21 விமானங்களுக்கு ஓய்வளிக்க முடிவு செய்துள்ளதாக உத்தியோகப்பூர்வ தகவல் வெளியாகியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
புங்குடுதீவு 9ம் வட்டாரம், புங்குடுதீவு, கொழும்பு கொம்பனித்தெரு
17 May, 2026
சிறுப்பிட்டி மேற்கு, Wembley, United Kingdom, Milton Keynes, United Kingdom
21 May, 2022
