லங்காசிறி FM
இளையராஜாவின் முதல் சிம்பொனி இசை பிரித்தானியாவில் பதிவு.! வெளியீட்டு திகதி அறிவிப்பு
Ragavan
in பொழுதுபோக்கு
'இசைஞானி' இளையராஜா, தனது முதல் சிம்பொனி இசையை பிரித்தானியாவில் பதிவு செய்துள்ளதாக அவரது ரசிகர்களுக்கு தெரிவித்துள்ளார்.
சமூக வலைதளமான X-ல் தனது தீபாவளி வாழ்த்துக்களை தெரிவித்த இளையராஜா, தனது முதல் சிம்பொனி வெளியீடு குறித்து பகிர்ந்துகொண்டார்.
இப்பதிவில், இசையுடன் கூடிய ஒரு சிறிய காணொளியை முன்னோட்டமாக வெளியிட்டதுடன், சிம்பொனியின் வெளியீட்டு திகதியையும் அறிவித்துள்ளார்.
இந்த சிம்பொனி உருவாக்கத்தை வெறும் 35 நாட்களிலேயே நிறைவு செய்தது குறித்து அவர் ஏற்கனவே தகவல் அளித்திருந்தார்.
இதுவரை 1,000-க்கும் மேற்பட்ட திரைப்படங்களுக்கு இசையமைத்துள்ள இளையராஜா, ஒன்பது மொழிகளில் இசை முத்திரையைப் பதித்து வருகிறார்.
அவரது X பதிவில், "அனைவருக்கும் இனிய தீபாவளி நல்வாழ்த்துக்கள்... இந்த நல்ல நாளில், உலகெங்கிலும் உள்ள இசை ஆர்வலர்களுக்கு எனது Symphony No. 1-ஐ பிரித்தானியாவில் பதிவு செய்துள்ளேன் என்பதையும், அது ஜனவரி 26, 2025 அன்று வெளியிடப்படும் என்பதையும் மகிழ்ச்சியுடன் தெரிவித்துக் கொள்கிறேன்.@OneMercuri" என்று கூறியுள்ளார்.
Wishing you all a very happy deepavali… On this auspicious day, I'm happy to inform music lovers all over the world that I have recorded my Symphony No. 1 in the United Kingdom, and it will be released on January 26, 2025. @OneMercuri pic.twitter.com/G79g2bQGHH
— Ilaiyaraaja (@ilaiyaraaja) October 31, 2024
இந்த சிம்பொனி இந்தியரால் முழுமையாக உருவாக்கிய முதல் முயற்சியாக இது கணிக்கப்படுகிறது.
தற்போது, இளையராஜாவின் இசையில் வெற்றி மாரன் இயக்கும் விடுதலை பாகம்-2 மற்றும் விஷால் நடிக்கும் துப்பறிவாளன் 2 ஆகிய திரைப்படங்கள் உருவாக்கத்தில் உள்ளன.
மேலும், அவரது வாழ்க்கையை மையமாகக் கொண்டு தனுஷ் நடிக்கும் வாழ்க்கை வரலாறு படத்தையும் இயக்குநர் அருண் மதேஸ்வரன் உருவாக்கி வருகிறார்.
— Ilaiyaraaja (@ilaiyaraaja) May 16, 2024
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
