புலம்பெயர்வோருக்கு கனேடிய மாகாணம் ஒன்றில் உணவகத் துறையில் காத்திருக்கும் வேலைவாய்ப்பு

கொரோனாவால் உணவகத் துறை கடுமையாக பாதிக்கப்பட்டது. கனடாவில் உணவகத் துறையில் தொழிலாளர் பற்றாக்குறை காணப்படுகிறது, நோவா ஸ்கோஷாவும் (Nova Scotia) அதற்கு விதிவிலக்கல்ல...

இந்த பற்றாக்குறையை சரி செய்வதற்காக, நோவா ஸ்கோஷா மாகாணம் அதிகத் தேவையிலிருக்கும் தொழில்கள் புலம்பெயர்தல் திட்டத்தின் கீழ் (Occupations in Demand immigration stream) மூன்று தொழில்களை சேர்த்துள்ளது.

தேசிய தொழில்கள் வகைப்படுத்தல் குறியீடுகளின்படி ( National Occupational Classification (NOC) code), அவையாவன

• NOC 6513 உணவு மற்றும் பானங்கள் பரிமாறுபவர்கள்
• NOC 6711 உணவு பரிமாறும் இடம், சமையலறை மற்றும் அது தொடர்பான உதவியாளர்கள்
• NOC 6731 சுத்தம் செய்பவர்கள்

பணி வழங்குவோர், இந்த தொழிலாளர்களை தொழிலாலர் சந்தை தாக்க மதிப்பீடு செய்யாமலே (LMIA) பணியில் அமர்த்திக்கொள்ளலாம். அத்துடன், நோவா ஸ்கோஷியாவின் மாகாண நாமினி திட்டத்திற்கு விண்ணப்பிப்பதற்கு முன் அந்த பணியாளர் தனக்குப் பணி வழங்குபவரிடம் ஆறு மாதங்கள் பணி செய்யவேண்டும் என்ற அவசியமும் இல்லை.

அதிகத் தேவையிலிருக்கும் தொழில்கள் திட்டத்தின் கீழ் விண்ணப்பிப்பதற்கான நுழைவுத் தகுதி என்ன?

அதிகத் தேவையிலிருக்கும் தொழில்கள் திட்டத்தின் கீழ் விண்ணப்பிப்பதற்கு, நீங்கள் கீழ்க்கண்ட பணிகளில் முழு நேரப் பணி செய்வதற்கு அழைப்பைப் பெற்றிருக்கவேண்டும்.

• NOC 3413 செவிலியர் உதவியாளர், நோயாளிகள் சேவை உதவியாளர்
• NOC 6513 உணவு மற்றும் பானங்கள் பரிமாறுபவர்
• NOC 6711 உணவு பரிமாறும் இடம், சமையலறை மற்றும் அது தொடர்பான உதவியாளர்கள்
• NOC 6731 சுத்தம் செய்பவர்கள்
• NOC 7511 ட்ரக் சாரதிகள்
• NOC 7521 கிரேன் தவிர்த்து கனரக உபகரணங்கள் இயக்குபவர்கள்
• NOC 7611 கட்டுமானத்துறை பணியாளர்கள், உதவியாளர்கள்

சம்பந்தப்பட்ட துறையில் நீங்கள் குறைந்தபட்சம் ஓராண்டாவது அனுபவம் பெற்றவராக இருக்கவேண்டியதும், 21 முதல் 55 வயதுக்குட்பட்டவராகவும் இருக்கவேண்டியது அவசியம் என்பதையும் கவனத்தில் கொள்வது நல்லது.

அத்துடன், உயர் பள்ளி பட்டயப்படிப்பு (high school diploma), முறையான பயிற்சி, திறன் மற்றும் பணிக்கான தரமதிப்பீட்டுச் சான்று ஆகியவையும் அவசியம்.

மேலும், கனேடிய மொழித் திறன் மட்டத்தில் (CLB) ஆங்கிலம் அல்லது பிரெஞ்சு மொழியில் 4ஆவது மட்ட மொழித்திறன் கொண்டவர்களாக இருப்பதை நிரூபிக்கவேண்டும்.

அதுபோக, நோவா ஸ்கோஷியாவில் குடியமர்வதற்கு போதுமான நிதி ஆதாரம் உள்ளதையும் நிரூபிக்கவேண்டியிருக்கும்.

விண்ணப்பிப்பதற்குத் தேவையான மேலதிக விவரங்களுக்கு... https://www.cicnews.com/2021/11/nova-scotia-offering-immigration-pathways-to-food-service-workers-1119646.html#gs.g8yr39