லங்காசிறி FM
குல்தீப் சுழலில் சிக்கிய தென் ஆப்பிரிக்கா: 106 ஓட்டங்கள் வித்தியாசத்தில் இந்தியா அபார வெற்றி
Thiru
in கிரிக்கெட்
தென்னாப்பிரிக்க அணியை 106 ஓட்டங்கள் வித்தியாசத்தில் வீழ்த்தி இந்திய அணி அபார வெற்றி பெற்றுள்ளது.
3வது டி20 போட்டி
தென்னாப்பிரிக்காவுக்கு சுற்றுப்பயணம் மேற்கொண்டுள்ள இந்திய கிரிக்கெட் அணி ஜோகன்னஸ்பர்க் மைதானத்தில் 3வது டி20 போட்டியில் இன்று விளையாடியது.
நாணய சுழற்சியில் வெற்றி பெற்ற தென்னாப்பிரிக்க அணி முதலில் பந்து வீச்சை தேர்வு செய்தது.
முதல் பேட்டிங்கில் களமிறங்கிய இந்திய கிரிக்கெட் அணியில் தொடக்க வீரர் ஷுப்மன் கில் 12 ஓட்டங்களிலும், திலக் வர்மா(0) ஓட்டங்கள் எதுவும் குவிக்காமல் விக்கெட்டை பறிகொடுத்து வெளியேறினார்கள்.
ஆனால் இந்திய அணியின் மற்றொரு தொடக்க வீரரான ஜெய்ஸ்வால் 41 பந்துகளில் 60 ஓட்டங்கள் விளாசி இந்திய அணியின் ஓட்டங்கள் விகிதத்தை நிலைப்படுத்தினார்.
இக்கட்டான நிலையில் களமிறங்கிய கேப்டன் சூர்யகுமார் யாதவ் தன்னுடைய அதிரடியான ஆட்டத்தால், 56 பந்துகளில் 7 பவுண்டரிகள் மற்றும் 8 சிக்சர்கள் விளாசி சதத்தை(100) பூர்த்தி செய்தார்.
x/ICC
இதன் மூலம் இந்திய அணி 20 ஓவர்கள் முடிவில் 7 விக்கெட் இழப்பிற்கு 201 ஓட்டங்கள் குவித்தது.
இந்தியா அபார வெற்றி
இதையடுத்து சற்று கடினமான இலக்குடன் களமிறங்கிய தென்னாப்பிரிக்க அணியில் தொடக்க வீரர்கள் ரீசா ஹென்ரிக்ஸ் 8 ஓட்டங்களிலும், மத்தேயு ப்ரீட்ஸ்கே 4 ஓட்டங்களிலும் வெளியேறினர்.
பின்னர் வந்த வீரர்களும் யாரும் பெரிய அளவிலான ஓட்டங்களை குவிக்க தவறியதால் தென்னாப்பிரிக்க நிலை தடுமாறியது. டேவிட் மில்லர் மட்டும் தன்னுடைய பங்கிற்கு 35 ஓட்டங்கள் குவித்து அணியை சரிவில் இருந்து மீட்க போராடினார்.
இறுதியில் தென்னாப்பிரிக்க அணி 13.5 ஓவர்கள் முடிவிலேயே 95 ஓட்டங்களுக்கு 10 விக்கெட்டுகளையும் இழந்து தோல்வியை தழுவியது. இதனால் இந்திய அணி 3வது டி20 போட்டியில் 106 ஓட்டங்கள் வித்தியாசத்தில் அபார வெற்றி பெற்றுள்ளது.
Honours shared in the T20I series after India produced a sublime all-round performance in the final match against South Africa ?
— ICC (@ICC) December 14, 2023
? #SAvIND: https://t.co/ytix3VV4Cb pic.twitter.com/JjbbjmzHrd
இந்திய அணியில் சுழற்பந்து வீச்சாளர் குல்தீப் யாதவ் 5 விக்கெட்டுகளை கைப்பற்றி அசத்தினார். 3 போட்டிகள் கொண்ட இந்த டி20 தொடரில் முதல் போட்டி மழை காரணமாக கைவிடப்பட்டது.
மீதமுள்ள இரண்டு போட்டியில் தென்னாப்பிரிக்க அணி ஒரு வெற்றியையும், இந்தியா அணி ஒரு வெற்றியை பெற்று இருப்பதால் தொடர் சமனில் முடிந்துள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
Yashasvi Jaiswal,Suryakumar Yadav, T20, South Africa Cricket Team, Indian Cricket Team.Kuldeep Yadav
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
