லங்காசிறி FM
உலகின் சக்தி வாய்ந்த நாடுகள்: ஜப்பானை பின்னுக்கு தள்ளி 3 வது இடத்திற்கு முன்னேறிய இந்தியா
ஆசிய சக்தி குறியீட்டில் ஜப்பானை பின்னுக்கு தள்ளி இந்தியா 3 வது இடத்திற்கு முன்னேறியுள்ளது.
3 வது இடத்திற்கு முன்னேறிய இந்தியா
அவுஸ்திரேலியாவை தளமாக கொண்ட லோவி இன்ஸ்டிடியூட் என்ற அமைப்பு வெளியிட்ட 2025 ம் ஆண்டுக்கான ஆசிய சக்தி குறியீட்டில்(Asia power Index 2025) ஜப்பான் நாட்டை பின்னுக்கு தள்ளி இந்தியா மூன்றாவது இடத்துக்கு முன்னேறியுள்ளது.
இதன் மூலம் ஆசிய பிராந்தியத்தில் இந்தியா மிக முக்கியமான சக்தியாக முன்னேறியுள்ளது.
இந்த தரவரிசையில் அமெரிக்கா முதலிடத்திலும், சீனா இரண்டாவது இடத்திலும் உள்ளது.
ஆசிய சக்தி குறியீடு 2025-ல் இந்தியா முதல் முறையாக ஒட்டு மொத்தமாக 40 புள்ளிகள் என்ற எல்லையை தாண்டியுள்ளது.
இந்தியாவின் மதிப்பெண் உயர்ந்த காரணம்
ஆசிய சக்தி குறியீட்டில் இந்தியாவின் மதிப்பெண் உயர்ந்ததற்கான முக்கிய காரணமாக, நாட்டின் பொருளாதாரம் மற்றும் இராணுவம் பலம் உள்ளது.
இந்தியாவின் நிலையான பொருளாதார திட்டமிடல் மற்றும் செயல்திறன் ஆகியவை உலக அரசியலில் இந்தியாவிற்கான முக்கியத்துவத்தை அதிகரித்துள்ளது.
அதே போல ஆபரேஷன் சிந்துருக்கு பிறகு, இந்தியாவின் ராணுவ திறன் மற்றும் திட்டமிடலுக்கு அதிக சக்தி மதிப்பெண் கிடைத்துள்ளது.
சீனாவுடனான ஒப்பீடு
இந்தியா மூன்றாவது இடத்துக்கு முன்னேறி உள்ள போதிலும், இரண்டாவது இடத்தில் உள்ள சீனாவுக்கும், இந்தியாவுக்கும் இடையிலான சக்தி மதிப்பெண் மிகப்பெரிய வித்தியாசத்தில் உள்ளது.
சீனா மொத்தம் 73.7 மதிப்பெண்களுடன் இந்தியாவை விட மிகப்பெரிய இடைவெளியில் உள்ளது.
இதன் மூலம் சீனா ஆசியாவில் ஆதிக்கம் செலுத்தும் வலிமை மிக்க நாடாக தன்னை நிலைநிறுத்தியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
மயிலிட்டி தெற்கு, London, United Kingdom, Edinburgh, Scotland, United Kingdom
15 Nov, 2025
Pussellawa, கொழும்பு, ஜேர்மனி, Germany, Scarborough, Canada
31 Oct, 2025
