லங்காசிறி FM
எதிரிகளை குறிவைத்து தாக்கும் MQ-9B ட்ரோன்.., வாங்குவதற்கு மும்முரம் காட்டும் இந்திய அரசு
எதிரிகளை குறிவைத்து தாக்குவதற்காக அமெரிக்காவிடம் இருந்து MQ-9B ட்ரோன்களை இந்தியா வாங்குகிறது.
MQ-9B ட்ரோன்களை வாங்கும் இந்தியா
இந்திய பிரதமர் மோடி குவாட் கூட்டமைப்பு மாநாட்டில் பங்கேற்பதற்காக அமெரிக்கா சென்றுள்ளார். அங்கு அதிபர் ஜோ பைடனை சந்தித்து அமெரிக்காவுக்கு சொந்தமான எம்க்யூ - 9பி (MQ-9B) ரக ட்ரோன்களை வாங்குவது தொடர்பாக ஆலோசனை நடத்தினார்.
இந்த ஆண்டு பிப்ரவரி மாதத்தில் 3.99 பில்லியன் டொலர் மதிப்பீட்டில் 31 MQ-9B ட்ரோன்களை இந்திய ராணுவத்துக்கு விற்பனை செய்ய அமெரிக்கா ஒப்புதல் அளித்தது.
அதன் ஒரு பகுதியாக இந்திய கடற்படைக்கு 15 சீ கார்டியன் வகை ட்ரோன்களும், இந்திய விமானப்படை மற்றும் ராணுவத்துக்கு தலா 8 ஸ்கை கார்டியன் வகை ட்ரோன்களையும் அமெரிக்கா விற்பனை செய்யவுள்ளது.
இந்த ட்ரோன்கள் ஹன்டர் - கில்லர் என்று பெயர் கொண்டவை. இவை, அமெரிக்க விமானப்படைக்காக தயாரிக்கப்பட்டது ஆகும். இது ஸ்கை மற்றும் சீ கார்டியன் ட்ரோன்கள் என்று இரண்டு வகைகளாக உள்ளது.
MQ-9B ட்ரோன்கள் அம்சம்
இந்த MQ-9B ட்ரோன்களானது பயணியர் விமானங்களை விட தூரமாகவும், 50,000 அடி உயரத்திலும், தொடர்ச்சியாக 40 மணி நேரம் பறக்கும் திறனும் உடையது.
மேலும், மணிக்கு 442 கி.மீ வேகத்தில் செல்வதோடு 1,700 கிலோ வெடிகுண்டுகளையும் சுமந்து செல்லும். இதற்கு 2,000 கி.மீ வரை எரிபொருள் நிரப்ப வேண்டியதில்லை.
நிலத்தில் இருந்து 800 அடி உயரத்தில் பறந்தாலும் கண்டுபிடிப்பது கடினம். இது முக்கியமாக வான்வழி தாக்குதல் மட்டுமன்றி, வானில் இருந்து நிலத்தை நோக்கியும் தாக்கக்கூடியது.
இந்த ட்ரோனில் லேசர் தொழில்நுட்பத்துடன் செயல்படும் 4 ஏவுகணைகள் பொருத்தப்பட்டுள்ளன. எதிரிகளை துல்லியமாக தாக்கும் என்பதால் இந்த ட்ரோன்களை இந்திய பாதுகாப்பு படையில் சேர்க்க மத்திய அரசு ஆர்வம் காட்டுகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
துன்னாலை தெற்கு, ஜேர்மனி, Germany, நெதர்லாந்து, Netherlands, கனடா, Canada
16 May, 2021
