லங்காசிறி FM
போர் நெருக்கடி... அதிக விலைக்கு LNG-ஐ கொள்முதல் செய்யும் இந்தியா
India buys its most expensive LNG: இந்தியா பல ஆண்டுகளில் இல்லாத அளவில் அதிக விலைக்கு LNG-ஐ வாங்கியுள்ளது.
ஈரான் போர் காரணமாக எரிபொருள் விநியோகம் தொடர்ந்து பாதிக்கப்பட்டு வருவதால், இந்தியாவில் உள்ள எரிசக்தி நிறுவனங்கள் 'ஸ்பாட்' சந்தையில் திரவமாக்கப்பட்ட இயற்கை எரிவாயுவை (LNG) கடந்த பல ஆண்டுகளில் இல்லாத அளவுக்கு மிக உயர்ந்த விலையில் வாங்கி வருகின்றன.
அரசுக்குச் சொந்தமான எரிவாயு நிறுவனமான கெயில் இந்தியா லிமிடெட், சமீபத்தில் செப்டம்பர் மாதம் விநியோகிக்கப்படவுள்ள ஒரு சரக்குக்காக, ஒரு மில்லியன் பிரிட்டிஷ் வெப்ப அலகுகளுக்கு 23 டொலருக்கும் அதிகமாக செலுத்தியுள்ளது.
செப்டம்பர் மாத விநியோகத்திற்கான சரக்குக்கு, இந்தியாவின் குஜராத் மாநில பெட்ரோலியக் கழகம் (GSPC) ஒரு mmbtu-க்கு 23 டொலருக்கும் சற்று அதிகமான விலையைச் செலுத்தியதாகத் தகவலறிந்த வட்டாரங்கள் தெரிவித்தன.
2022-ஆம் ஆண்டு முதல் இந்தியாவிற்கு இறக்குமதி செய்யப்பட்டவற்றிலேயே மிகவும் அதிக விலை கொண்ட எல்.என்.ஜி. (LNG) சரக்குகள் இவை என்றே கூறுகின்றனர்.
இயற்கை எரிவாயுவைப் பயன்படுத்தும் உர உற்பத்தியாளர்களுக்கு அரசு உதவ முற்படுவதால், இந்தியாவில் உள்ள அரசு ஆதரவு எரிசக்தி நிறுவனங்கள் திரவ இயற்கை எரிவாயு (LNG) உடனடி சந்தையை நாடி, விலைகளை உயர்த்தி ஏலம் கேட்கின்றன.
உலகின் இரண்டாவது மிகப்பெரிய LNG விநியோகஸ்தரான கத்தாரிடமிருந்து, நீண்ட கால ஒப்பந்தங்கள் மூலம் இந்தியா வழக்கமாக எல்என்ஜியை கொள்முதல் செய்து வருகிறது.
ஆனால், மார்ச் மாதத்தில் ஈரான் நடத்திய தாக்குதல்களால் கத்தாரின் பிரம்மாண்டமான ஏற்றுமதி முனையம் சேதமடைந்தது; மேலும், ஹார்முஸ் நீரிணை வழியாகக் கப்பல்கள் செல்வது இப்போதும் பெருமளவுக்கு முடக்கப்பட்டுள்ளது.
ஐரோப்பாவில் எரிவாயு விலைகள் கடந்த ஐந்து மாதங்களில் இல்லாத அளவுக்கு உயர்ந்துள்ள நிலையில், அங்குள்ள LNG வாங்குபவர்களுடனும் இந்தியா போட்டியிட வேண்டியுள்ளது.
இதனிடையே, பாரத் பெட்ரோலியம் கார்ப்பரேஷனும், இந்த வாரம் ஸ்பாட் சந்தையில் இருந்து ஒரு LNG சரக்கை வாங்க ஒப்புக்கொண்டதாக தகவல் வெளியாகியுள்ளது. ஆனால் விலை தொடர்பான தகவல் ஏதும் வெளியாகவில்லை.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 10ம் வட்டாரம், புங்குடுதீவு 3ம் வட்டாரம், Ajax, Canada
03 Sep, 2025
Columbuthurai, கொழும்பு, ஸ்கந்தபுரம், London, United Kingdom
09 Aug, 2026
இளவாலை இலங்கை ,லண்டன், United Kingdom, அவுஸ்திரேலியா, Australia
23 Aug, 2016
நெடுந்தீவு கிழக்கு, பெரியதம்பனை, முதலியார்குளம், திருநாவற்குளம்
18 Aug, 2026
மானிப்பாய், சுண்டிக்குளி, Toronto, Canada, New Jersey, United States
17 Aug, 2026
கரம்பொன் கிழக்கு, கரம்பொன் தெற்கு, கொழும்பு 15
19 Aug, 2021
உசன், முரசுமோட்டை, Urumpirai, பிரித்தானியா, United Kingdom
15 Aug, 2026