லங்காசிறி FM
டி20 உலகக் கிண்ணம் போட்டிகள்: அரையிறுதிக்குள் நுழைந்த இந்தியா
Arbin
in கிரிக்கெட்
இந்திய அணி ஜிம்பாப்வேயை 71 ஓட்டங்கள் வித்தியாசத்தில் வீழ்த்தி புள்ளிப்பட்டியலில் முதலிடம் பிடித்துள்ள நிலையில், அரையிறுதியில் இங்கிலாந்தை எதிர்கொள்வது உறுதியாகியுள்ளது.
8-வது டி20 உலகக் கிண்ணம் கிரிக்கெட் போட்டி அவுஸ்திரேலியாவில் முன்னெடுக்கப்பட்டு வருகிறது. இதில் குரூப் 1ல் இருந்து நியூசிலாந்து மற்றும் இங்கிலாந்து அணிகளும், குரூப் 2ல் இருந்து பாகிஸ்தான் மற்றும் இந்தியா அணிகளும் அரையிறுதி சுற்றுக்கு முன்னேறி உள்ளது.
இந்த நிலையில், லீக் சுற்றின் கடைசி ஆட்டத்தில் இந்தியா ஜிம்பாப்வே அணிகள் மோதின. நாணய சுழற்சியில் வென்ற இந்திய அணி முதலில் துடுப்பாட்டம் செய்வதாக அறிவித்தது. இதனையடுத்து இந்திய அணியில் தொடக்க வீரர்களாக அணித்தலைவர் ரோகித சர்மா, கே.எல் ராகுல் களமிறங்கினர். ரோகித் 15 ஓட்டங்களில் ஆட்டமிழந்தார்.
சிறப்பாக விளையாடிய ராகுல் 51 ஓட்டங்களில் ஆட்டமிழந்தார். விராட் கோஹ்லி 26 ஓட்டங்கள் எடுத்தார். தினேஷ் கார்த்திக்கிற்கு பதிலாக களமிறங்கிய ரிஷப் பண்ட் 3 ரன்னில் ஆட்டமிழந்து ஏமாற்றமளித்தார். இறுதியில் சூர்யகுமார் யாதவ் அதிரடியாக விளையாடி 25 பந்துகளில் 6 பவுண்டரி 4 சிக்சருடன் 61 ஓட்டங்கள் எடுத்தார்.
இதனால் இந்திய அணி 20 ஓவர்கள் முடிவில் 5 விக்கெட் இழப்புக்கு 184 ஓட்டங்கள் குவித்தது. இதையடுத்து 185 ஓட்டங்கள் எடுத்தால் வெற்றி என்ற இலக்குடன் விளையாடிய ஜிம்பாப்வே அணிக்கு தொடக்கத்திலேயே அதிர்ச்சி காத்திருந்தது.
தொடக்க ஆட்டக்காரரான மதவரா முதல் பந்தில் டக் அவுட் ஆனார். சக்கப்வாவும் ரன் ஏதும் எடுக்காமல் ஆட்டமிழந்தார். அணித்தலைவர் எர்வின் 13 ஓட்டங்களில் ஆட்டமிழந்தார். இந்திய அணியின் பந்துவீச்சை சமாளிக்க முடியாமல் ஜிம்பாப்வே அணி அடுத்தடுத்து விக்கெட்டுகளை இழந்து தடுமாறியது.
சிக்கந்தர் ராசா 34 ஓட்டங்களும், ரியான் பர்ல் அதிகபட்சமாக 35 ஓட்டங்களும் எடுத்தனர். ஆனால் கடைசி வரையில் ஜிம்பாப்வே அணியால் வெற்றி இலக்கிற்கு அருகில் கூட வர முடியவில்லை. அடுத்தடுத்து விக்கெட்டுகளை இழந்த அந்த அணி, இறுதியில் 17.2 ஓவர்களில் 115 ஓட்டங்களுக்கு அனைத்து விக்கெட்டுகளையும் இழந்து ஆட்டமிழந்தது.
இதனால், 71 ஓட்டங்கள் வித்தியாசத்தில் இந்திய அணி வெற்றிபெற்று புள்ளிப்பட்டியலில் மீண்டும் முதலிடத்தை பிடித்தது.
இதன் மூலம் இந்திய அணி குரூப்1 பிரிவில் 2ம் இடத்தில் உள்ள இங்கிலாந்து அணியுடன் அரையிறுதி ஆட்டத்தில் வரும் வியாழக்கிழமை மோத உள்ளது.
கொழும்பு, நியூஸ்லாந்து, New Zealand, அவுஸ்திரேலியா, Australia
22 Jan, 2000
புங்குடுதீவு 8ம் வட்டாரம், Montreal, Canada, Toronto, Canada, வவுனியா
21 Jan, 2022
மல்லாவி யோகபுரம், கொழும்பு, Kuala Lumpur, Malaysia, Toronto, Canada, அளவெட்டி
25 Dec, 2024
புங்குடுதீவு 2ம் வட்டாரம், புங்குடுதீவு 5ம் வட்டாரம், பிரான்ஸ், France
20 Jan, 2011
புங்குடுதீவு 9ம் வட்டாரம், முரசுமோட்டை, சுவிஸ், Switzerland
21 Jan, 2021
நெடுந்தீவு மேற்கு, வன்னேரிக்குளம், Moissy-Cramayel, France
16 Jan, 2025
புங்குடுதீவு 12ம் வட்டாரம், கிளிநொச்சி, Eastham, United Kingdom, பேர்ண், Switzerland
20 Jan, 2022
