ரஷ்ய எண்ணெய் இறக்குமதி - இந்தியாவிற்கு 100 சதவீதம் வரி விதிக்கவுள்ள அமெரிக்கா

United States of America India Russia Crude Oil

By Ragavan Sep 16, 2026 02:17 PM GMT

Ragavan

in இந்தியா

Report

India faces US 100 percent tariff on Russian oil: அமெரிக்கா விரைவில் இந்தியாவிற்கு 100 சதவீத இறக்குமதி வரியை விதிக்க வாய்ப்புள்ளது.

40.8 பில்லியன் டொலர் கச்சா எண்ணெய் இறக்குமதி

இந்தியா 2026 நிதியாண்டில் ரஷ்யாவிலிருந்து 40.8 பில்லியன் டொலர் மதிப்பிலான கச்சா எண்ணெயை இறக்குமதி செய்துள்ளது. இது இந்தியாவின் மொத்த எண்ணெய் இறக்குமதியின் மூன்றில் ஒரு பங்காகும்.

ஜூலை 2026-இல், ரஷ்யா இந்தியாவின் எண்ணெய் இறக்குமதியில் 51 சதவீதம் பங்கைக் கொண்டிருந்தது.

India-Faces-US-100-percent-Tariff-on-Russian-Oil

100 சதவீத வரி விதிக்க டிரம்புக்கு அதிகாரம்

இந்நிலையில், அமெரிக்க காங்கிரஸில் “Sanctioning Russia and Iran Act” என்ற மசோதா நிறைவேற்றப்பட உள்ளது.

இந்த மசோதா, ஜனாதிபதி டொனால்டு டிரம்புக்கு, ரஷ்ய எண்ணெய் வாங்கும் நாடுகளுக்கு 100 சதவீதம் வரை கூடுதல் வரி விதிக்கும் அதிகாரத்தை வழங்குகிறது.

இந்தியாவிற்கு சிக்கல்

இந்த நடவடிக்கை இந்தியாவிற்கு பெரும் சவாலாக உள்ளது. ஏனெனில், ரஷ்ய எண்ணெய் குறைந்த விலையில் கிடைப்பதால், இந்தியா தனது இறக்குமதி செலவுகளை குறைத்து, பணவீக்கத்தை கட்டுப்படுத்தி வந்தது. ஆனால், அமெரிக்கா கூடுதல் வரி விதித்தால், ஆயிரக்கணக்கான இந்திய ஏற்றுமதி பொருட்கள் பாதிக்கப்படலாம்.

இந்தியா தற்போது அமெரிக்காவுடன் இருதரப்பு வர்த்தக ஒப்பந்தம் குறித்து பேச்சுவார்த்தை நடத்தி வருகிறது. வரி அச்சுறுத்தல், இந்த ஒப்பந்தத்தில் இந்தியாவை அமெரிக்காவின் நிபந்தனைகளை ஏற்க வைக்கும் அழுத்தமாக மாறும் அபாயம் உள்ளது.

Global Trade Research Initiative (GTRI) நிறுவனர் அஜய் ஸ்ரீவாஸ்தவா, “இந்தியா 1.4 பில்லியன் மக்களுக்கு மலிவான எரிசக்தி வழங்க ரஷ்ய எண்ணெயை வாங்குகிறது. இது போருக்கு நிதி வழங்க அல்ல. 100 சதவீத வரி விதிப்பது இந்திய ஏற்றுமதியாளர்களையும் அமெரிக்க நுகர்வோரையும் பாதிக்கும்” என்று தெரிவித்துள்ளார்.

அமெரிக்க காங்கிரஸில் இந்த மசோதா நிறைவேற்றப்பட்டால், இந்தியாவின் ரஷ்ய எண்ணெய் வர்த்தகம் கடுமையான சிக்கலில் சிக்கக்கூடும்.