லங்காசிறி FM
சர்வதேச விமானங்களுக்கு ஜெட் எரிபொருள் விலை 5 சதவீதம் உயர்வு
இந்திய அரசு சர்வதேச விமான நிறுவனங்களுக்கு வழங்கப்படும் ஜெட் எரிபொருள் (Aviation Turbine Fuel-ATF) விலையை 5 சதவீதம் உயர்த்தியுள்ளது.
உலகம் முழுவதும் ஏற்பட்டுள்ள எரிபொருள் தட்டுப்பாடு காரணமாக, தொடர்ந்து இரண்டாவது மாதமாக விலை உயர்த்தப்பட்டுள்ளது.
புதிய விலை நிர்ணயத்தின் படி, டெல்லியில் சர்வதேச விமானங்களுக்கு ATF விலை 76.55 அமெரிக்க டொலர் அதிகரித்து, 1511.86 டொலராக உயர்ந்துள்ளது.
ஆனால், உள்நாட்டு விமானங்களுக்கு விலையில் எந்த மாற்றமும் இல்லை.
முன்னதாக ஏப்ரல் 1-ஆம் திகதி உள்நாட்டு விமானங்களுக்கு ATF விலை 25 சதவீதம் உயர்த்தப்பட்டிருந்தது.
ஜெட் எரிபொருள் விலை கடந்த இருபது ஆண்டுகளுக்கு முன்பே சுதந்திரமாக (deregulated) மாற்றப்பட்டு, சர்வதேச சந்தை விலைகளுடன் இணைக்கப்பட்டுள்ளது.
மத்திய கிழக்கில் நடக்கும் மோதல்களால், உலகளாவிய எரிசக்தி விலை அதிகரித்துள்ளதால், இது வரலாற்றிலேயே மிகப்பெரிய உயர்வாகக் கருதப்படுகிறது. இதனால் அரசு மற்றும் அரசின் எண்ணெய் நிறுவனங்கள் “calibrated approach” எனப்படும் கட்டுப்படுத்தப்பட்ட முறையில் விலை உயர்த்தியுள்ளன.
இந்த விலை உயர்வு, சர்வதேச விமான நிறுவனங்களின் செயல்பாடுகளுக்கு கூடுதல் செலவினத்தை ஏற்படுத்தும் நிலையில், உள்நாட்டு விமானங்களுக்கு விலை நிலைத்திருப்பது பயணிகளுக்கு சிறிதளவு நிம்மதியை அளிக்கிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
மல்லாகம், யாழ்ப்பாணம், கொழும்புத்துறை, சுண்டுக்குழி, Brampton, Canada
12 Sep, 2026
