இந்தியர், பாகிஸ்தானியர் இணைந்து உருவாக்கிய நிறுவனம் - 60 பில்லியனுக்கு வாங்க மஸ்க் முயற்சி

இந்தியவம்சாவளி மற்றும் பாகிஸ்தானியர் இணைந்து உருவாக்கிய தளத்தை, 60 பில்லியன் டொலருக்கு எலான் மஸ்கே வாங்க முன்வந்துள்ளார்.

கர்சர் ஏஐ

2023 ஆம் ஆண்டில் உருவாக்கப்பட்ட கர்சர் ஏஐ (Cursor AI ) என்பது, டெவலப்பர்கள் குறியீட்டை மிகவும் திறமையாக எழுதவும், திருத்தவும், புரிந்துகொள்ளவும் உதவும் வகையில் வடிவமைக்கப்பட்ட ஒரு AI அடிப்படையிலான குறியீட்டுத் தளமாகும். 

SpaceXAI and @cursor_ai are now working closely together to create the world’s best coding and knowledge work AI.

The combination of Cursor’s leading product and distribution to expert software engineers with SpaceX’s million H100 equivalent Colossus training supercomputer will…

— SpaceX (@SpaceX) April 21, 2026

இந்த தளத்தை எலான் மஸ்கின் ஸ்பேஸ் எக்ஸ் நிறுவனம், 60 பில்லியன் டொலருக்கு(இந்திய மதிப்பில் ரூ.5.63 லட்சம் கோடி) வாங்க முன்வந்துள்ளது. 

விஷ பாம்புகளை வளர்த்து கோடிகளில் வருமானம் ஈட்டும் இளம் பெண்

இது குறித்து ஸ்பேஸ் எக்ஸ் நிறுவனம் வெளியிட்டுள்ள பதிவில், "உலகின் மிகச்சிறந்த கோடிங் மற்றும் அறிவுசார் பணிகளுக்கான செயற்கை நுண்ணறிவை உருவாக்குவதற்காக நாங்கள் இப்போது கர்சர் உடன் நெருக்கமாக இணைந்து பணியாற்றி வருகிறோம். 

SpaceXAI and @cursor_ai are now working closely together to create the world’s best coding and knowledge work AI.

The combination of Cursor’s leading product and distribution to expert software engineers with SpaceX’s million H100 equivalent Colossus training supercomputer will…

— SpaceX (@SpaceX) April 21, 2026

கர்சரின் முன்னணி தயாரிப்பு மற்றும் அதை நிபுணத்துவம் வாய்ந்த மென்பொருள் பொறியாளர்களுக்கு விநியோகிக்கும் திறனும், ஸ்பேஸ்எக்ஸின் மில்லியன் கணக்கான H100-க்கு இணையான கொலோசஸ் பயிற்சி சூப்பர்கம்ப்யூட்டரும் இணைவதன் மூலம், உலகின் மிகவும் பயனுள்ள மாதிரிகளை எங்களால் உருவாக்க முடியும்.

மேலும், இந்த ஆண்டின் பிற்பகுதியில் கர்சரை 60 பில்லியன் டொலருக்கு வாங்குவதற்கோ அல்லது நாங்கள் இணைந்து செய்யும் பணிக்காக 10 பில்லியன் டாலர் செலுத்துவதற்கோ ஸ்பேஸ்எக்ஸுக்கு கர்சர் உரிமையை வழங்கியுள்ளது" என தெரிவித்துள்ளது.

அமன் சங்கர், சுவாலே ஆசிஃப்

இந்த நிறுவனத்தை அமன் சங்கர், மைக்கேல் ட்ரூயல், சுவாலே ஆசிஃப் மற்றும் அர்விட் லுன்மார்க் ஆகிய 4 பேரும் இணைந்து உருவாக்கியுள்ளனர். 

அமெரிக்காவின் மாசசூசெட்ஸ் தொழில்நுட்பக் கழகத்தில் (MIT) இந்த குழுவினர் படிக்கும்போது சந்தித்தனர். அங்கு, மென்பொருள் எழுதப்படும் முறையை செயற்கை நுண்ணறிவு எவ்வாறு மாற்றியமைக்க முடியும் என்பதை ஆராயத் தொடங்கி இந்த நிறுவனத்தை உருவாக்கியுள்ளனர்.

இதில், அமன் சங்கர் என்பவர் இந்திய வம்சாவளியை சேர்ந்தவர் ஆவார். இவரது தந்தை அரவிந்த் சங்கர், ஐஐடி பம்பாயின் முன்னாள் மாணவரும் ஹெட்ஜ் ஃபண்ட் நிபுணரும் ஆவார். அவரது தாய் ஷில்பா சங்கர், பல் சீரமைப்பு நிபுணரும் தொழில்முனைவோரும் ஆவார். 

இதே போல், மற்றொரு இணை நிறுவனரான சுவாலே ஆசிஃப் பாகிஸ்தானை பூர்விகமாக கொண்டவர் ஆவார்.

போர்ப்ஸ் பத்திரிகையின் கூற்றுப்படி, இந்த நிறுவனத்தின் ஆண்டு வருமானம் ஒரு பில்லியன் டொலருக்கும் அதிகம் என மதிப்பிடப்படுகிறது.