உக்ரைனில் மீட்கப்பட்ட பாகிஸ்தான் மாணவி இந்திய பிரதமருக்கு நன்றி!

உக்ரைனில் இருந்து தன்னை மீட்ட இந்திய தூதரகத்துக்கும், பிரதமர் மோடிக்கும் பாகிஸ்தான் மாணவி நன்றி தெரிவித்துள்ளார்.

ரஷ்யா மற்றும் உக்ரைன் இடையே பதற்றம் அதிகரித்து வரும் நிலையில், போரினால் பாதிக்கப்பட்ட உக்ரைனில் சிக்கித் தவித்த பாகிஸ்தான் மனைவி அஸ்மா ஷபீக் இந்திய அதிகாரிகளால் பத்திரமாக மீட்கப்பட்டார். அவர் விரைவில் தனது குடும்பத்துடன் மீண்டும் இணைவார் என்று தெரிவிக்கப்பட்டுள்ளது.

இந்திய அதிகாரிகள் அவரைக் காப்பாற்றிய பிறகு, ஷபீக், உக்ரைனை தலைநகர் கீவில் உள்ள இந்தியத் தூதரகத்திற்கும், அவர்களின் ஆதரவிற்காக பிரதமர் நரேந்திர மோடிக்கும் தனது நன்றியைத் தெரிவித்தார்.

அவர் பேசுகையில், "மிகவும் இக்கட்டான சூழ்நிலையில் சிக்கித் தவித்த எங்களுக்கு இங்கு எல்லா வழிகளிலும் ஆதரவளித்த கீவின் இந்தியத் தூதரகத்திற்கு நன்றி தெரிவிக்க விரும்புகிறேன், மேலும் எங்களை ஆதரித்த இந்தியப் பிரதமருக்கும் நன்றி தெரிவிக்க விரும்புகிறேன். இந்திய தூதராகத்தால் நாங்கள் பாதுகாப்பாக வீடு திரும்புவோம் என்று நம்புகிறேன்" என்று கூறினார்.

#WATCH | Pakistan's Asma Shafique thanks the Indian embassy in Kyiv and Prime Minister Modi for evacuating her.

Shas been rescued by Indian authorities and is enroute to Western #Ukraine for further evacuation out of the country. She will be reunited with her family soon:Sources pic.twitter.com/9hiBWGKvNp

— ANI (@ANI) March 9, 2022

இந்தியாவால் ஒரு வெளிநாட்டவர் மீட்கப்படுவது இது முதல்முறை அல்ல. முன்னதாக, இந்தியா ஒரு பங்களாதேஷ் பிரஜையை வெளியேற்றியதாக வெளியுறவு அமைச்சகம் (MEA) தெரிவித்துள்ளது, பின்னர் ஒரு நேபாள குடிமகன் கங்கா ஆபரேஷன் கீழ் இந்திய விமானத்தில் வருவார் என்றும் தெரிவித்தது.

இந்திய அதிகாரிகளால் உக்ரைனில் இருந்து வெளியேற்றப்பட்ட முதல் நேபாள நாட்டவரான ரோஷன் ஜா, இந்திய அரசாங்கத்தின் ஆதரவிற்காக தனது நன்றியைத் தெரிவித்ததாக தி காத்மாண்டு போஸ்ட் தெரிவித்துள்ளது.

பின்னர், போலந்தில் இருந்து மேலும் ஏழு நேபாளிகளை இந்திய அரசு வெளியேற்றுவதாக காத்மாண்டுவில் உள்ள இந்திய தூதரகம் தெரிவித்தது.

இதற்கிடையில், உக்ரைனின் சுமியில் இருந்து அனைத்து இந்திய மாணவர்களையும் வெளியேற்றியதாக MEA செவ்வாய்க்கிழமை தெரிவித்துள்ளது.

உக்ரைனின் அண்டை நாடுகளில் இருந்து இந்திய குடிமக்களை மீட்பதற்காக 'ஆபரேஷன் கங்கா' திட்டத்தின் கீழ், சிறப்பு விமானங்கள் மூலம் இதுவரை சுமார் 18,000 இந்தியர்கள் அழைத்து வரப்பட்டுள்ளனர்.

உக்ரைனின் அண்டை நாடுகளில் இருந்து செவ்வாய்க்கிழமை 410 இந்தியர்கள் சுசீவாவிலிருந்து 2 சிறப்பு சிவிலியன் விமானங்கள் மூலம் அழைத்து வரப்பட்டதாக சிவில் விமான போக்குவரத்து அமைச்சக செய்திக்குறிப்பு தெரிவித்துள்ளது.

இதன் மூலம், பிப்ரவரி 22, 2022 அன்று தொடங்கிய சிறப்பு விமானங்கள் மூலம் சுமார் 18,000 இந்தியர்கள் அழைத்து வரப்பட்டுள்ளனர்.