India's 1st Bullet Train: 557 பயணிகளுடன் பறக்கும் புல்லட் ரயில்

India's 1st Bullet Train: மும்பை- அகமதாபாத் அதிவேக ரயில் (MAHSR) வழித்தடத்திற்காக உள்நாட்டிலேயே முதன்முறையாக இந்தியாவில் முழுவதும் வடிவமைக்கப்படுகிறது புல்லட் ரயில்(Bullet Train).

பெங்களூருவில் அமைந்திருக்கும் BEML - Bharat Earth Movers Limited நிறுவனத்தின் உற்பத்தி மையத்தில் இதற்கான பணிகள் நடைபெற்றுக்கொண்டிருக்கின்றன.

வெளிநாட்டு நிறுவனங்களை சார்ந்திருக்காமல் இந்தியாவில் நிலவும் தட்பவெப்ப நிலை மற்றும் சூழ்நிலைகளை கருத்திக்கொண்டு பயணிகளுக்கு ஏற்றவாறு வடிவமைக்கப்படுகிறது.

202 மீட்டர் நீளம் கொண்ட புல்லட் ரயில் மணிக்கு 249 கி.மீ வேகத்தில் பயணிக்கும், நான்கு மோட்டார் பெட்டிகள் மற்றும் நான்கு டிரெய்லர் பெட்டிகளுடன் சேர்ந்து 8 பெட்டிகளுடன் மொத்தமாக 557 பேர் பயணிக்க முடியும்.

3X2 இருக்கைகள் கொண்ட SS Coach களும், 2X2 இருக்கைகள் கொண்ட executive-class Coach களும் இடம்பெறும். மாற்றுத்திறனாளிகள் அமரும் வண்ணம் பிரத்யேக இருக்கைகள் வடிவமைக்கப்படுகின்றன.

விசாலமான பிரத்யேக இருக்கைகள்

இந்தியாவின் முதல் புல்லட் ரயிலை பயணிகளின் வசதிக்கேற்ப பொறியாளர்கள் வடிவமைத்துள்ளனர், விசாலமான இருக்கைகள், தாராளமாக அமரும் இடம், மாற்றுத்திறனாளிகள் ஏறுவதற்கான வசதி அவர்களுக்கென்று பிரத்யேக இருக்கையும் உள்ளது.

ஜன்னல்கள் மிக அகலமாகவும், இயற்கையின் ரம்மியமான காட்சியை பார்த்து ரசிக்கும் வண்ணமும், ரயிலின் உட்புறம் நவீன LED Lights பொருத்தப்படுகிறது.

அத்துடன் மடிக்கணனி மற்றும் ஸ்மார்ட்போன்களுக்கு தனித்தனி Power Outletகள் உண்டு.

மிக முக்கியமாக கழிவுநீரின் தாக்கத்தை குறைக்கும் வண்ணம் bio-digester toiletகளுடன் வடிவமைக்கப்படுகிறது.

LCD திரையில் உடனடி தகவல்கள்

பயணத்தின் போது பயணிகளுக்கு விரிவான தகவல்களை உடனுக்குடன் வழங்கும் வண்ணம் LCD திரையில் தகவல்கள் வழங்கப்படும், ஆங்கிலம், இந்தி மற்றும் அந்தந்த பிராந்திய மொழிகளில் தகவல்கள் இடம்பெற்றிருக்கும்.

அதிவேக Wifi வசதியுடன் கூடிய பொழுதுபோக்கு அமைப்பு உள்ளது, மேலும் அவசர கால தேவையின் போது பயணிகள் உடனடியாக தொடர்பு கொள்வதற்கு ஏதுவாக emergency talk-back units பொருத்தப்பட்டுள்ளன.

பார்வைத்திறன் குறைபாடு கொண்ட மாற்றுத்திறனாளிகளுக்காக பிரெய்லி (Braille) குறியீடுகள் கொண்ட தகவல் பலகைகளும் உள்ளன.