லங்காசிறி FM
இந்தியா - இலங்கை கப்பல்; தொடங்கிய அடுத்த நாளே ரத்து... என்ன தான் ஆச்சு?
இந்தியா நாகப்பட்டினத்தில் இருந்து இலங்கை காங்கேசந்துறைக்கு கப்பல் போக்குவரத்து சேவை 40 வருடங்களுக்கு பிறகு தொடங்கியதையடுத்து, தற்போது கப்பல் சேவை ரத்து செய்யப்பட்டுள்ளதாக தகவல்கள் வெளியாகியுள்ளன.
இந்தியா - இலங்கை கப்பல் பயணம்
காங்கேசன்துறை துறைமுகத்துக்கும் நாகப்பட்டினம் துறைமுகத்துக்கும் இடையை சேவையில் ஈடுபடவுள்ள கப்பலின் சோதனை ஓட்டம் இன்று நடைபெறவுள்ளது.
இந்த கப்பலானது 60 கடல் மைல்கள் தொலைவில் உள்ள இலங்கை காங்கேசந்துறைமுகத்திற்கு 150 பேர் பயணிக்கும் வகையில் வடிவமைக்கப்பட்டுள்ளது.
இந்த வரலாற்று சிறப்பு மிக்க பயணிகள் கப்பல் போக்குவரத்து, இலங்கை மக்கள் குறிப்பாக, தமிழ் மக்கள் தங்களின் கல்வி, மருத்துவம், உணவுப் பொருட்கள், வணிகம், ஆன்மீகம் மற்றும் சுற்றுலா ஆகிய தேவைகளுக்கு பயன்படுத்திக்கொள்வதற்கு மிக பயனுள்ளதாக இருக்கும் என அதிகாரிகள் தெரிவித்துள்ளனர்.
இந்த கப்பலானது கேரளா மாநிலத்தில் கொச்சின் பகுதியில் வடிவமைக்கப்பட்டு, கடந்த 10 ஆம் திகதி இது நடைமுறைக்கு வந்தது.
இதற்கான தொடக்க விழா நாகை துறைமுகத்தில் நடைபெற்றது. இதை டெல்லியில் இருந்து காணொளி வாயிலாக பிரதமர் மோடி தொடங்கி வைத்தார்.
Ferry services between India and Sri Lanka will enhance connectivity, promote trade and reinforce the longstanding bonds between our nations. https://t.co/VH6O0Bc4sa
— Narendra Modi (@narendramodi) October 14, 2023
காலை 8.15 மணியளவில் 50 பயணிகளுடன் நாகை துறைமுகத்தில் இருந்து இலங்கை காங்கேசன்துறைக்கு நண்பகல் 12.15 மணிக்கு வந்தடைந்துள்ளது.
இந்நிலையில் கப்பல் சேவை இன்று திடீரென ரத்து செய்யப்பட்டுள்ளதாக தகவல்கள் வெளியாகியுள்ளன.
திடீரென ரத்து செய்யப்பட்ட கப்பல் சேவை
கப்பலில் பயணம் செய்ய 7 பயணிகள் மாத்திரமே முன்பதிவு செய்து இருந்ததால் கப்பல் சேவை ரத்து செய்யப்பட்டுள்ளதாக தகவல்கள் வெளியாகியுள்ளன.
இனி திங்கள், புதன், வெளி ஆகிய நாட்களில் மட்டுமே கப்பல் இயக்கப்படும் என்று அதிகாரிகள் தெரிவித்துள்ளார்கள்.
மேலும் கப்பலின் பயணக்கட்டணம் அதிகமாக இருப்பதாகவும் அதை குறைக்க வேண்டும் என்றும் மத்திய அமைச்சர் சர்பனாந்த சோனாவாலிடம் தமிழக அமைச்சர் எ.வ வேலு வலியுறுத்தியுள்ளார் என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
துன்னாலை தெற்கு, ஜேர்மனி, Germany, நெதர்லாந்து, Netherlands, கனடா, Canada
16 May, 2021
