லங்காசிறி FM
இந்திய அதிகாரிகளை கண்காணிக்கும் கனடா., இந்தியா கொந்தளிப்பு
கனடாவில் காலிஸ்தானியர்கள் மீதான நடவடிக்கையின் பின்னணியில் உள்துறை அமைச்சர் அமித் ஷா இருப்பதாக கனடா கூறியதற்கு இந்தியா கடும் எதிர்ப்பு தெரிவித்துள்ளது.
கனேடிய உயர் ஸ்தானிகராலய அதிகாரி நவம்பர் 1-ஆம் திகதி அழைக்கப்பட்டதாக வெளியுறவு அமைச்சக செய்தித் தொடர்பாளர் ரந்தீர் ஜெய்ஸ்வால் சனிக்கிழமை தெரிவித்தார்.
அமித் ஷா மீது குற்றச்சாட்டுகள்., இந்தியா கண்டனம்
அப்போது, அமித் ஷா மீது கூறப்படும் குற்றச்சாட்டுகள் ஆதாரமற்றவை என்றும், அபத்தமானவை என்றும் கூறப்பட்டது.
இந்தியாவை இழிவுபடுத்தும் வியூகத்தின் கீழ் கனடா அதிகாரிகள் வேண்டுமென்றே குற்றச்சாட்டுகளை முன்வைக்கின்றனர்.
பின்னர் அதை சர்வதேச ஊடகங்களுக்கு கசிய விடுகின்றனர். இது இரு நாடுகளுக்கும் இடையிலான உறவில் கடுமையான தாக்கத்தை ஏற்படுத்தும்.
கனடாவில் உள்ள சீக்கிய காலிஸ்தானியர்களை குறிவைக்க அமித் ஷா உத்தரவிட்டதாக கனடாவின் துணை வெளியுறவு அமைச்சர் டேவிட் மோரிசன் அக்டோபர் 29 அன்று நாடாளுமன்ற கூட்டத்தில் கூறியிருந்தார்.
இந்திய அதிகாரிகளை கண்காணிக்கும் கனடா
இதனிடையே இந்திய அதிகாரிகளை கனடா அரசு கண்காணித்து வருவதாக தகவல்கள் தெரிவிக்கின்றன. அவர்களின் தகவல் தொடர்பும் பாதிக்கப்பட்டுள்ளதாக்க தெரியவந்துள்ளது.
"இதையும் முறைப்படி எதிர்த்துள்ளோம், இத்தகைய நடவடிக்கைகள் இராஜதந்திரம் மற்றும் வர்த்தகம் தொடர்பான உடன்படிக்கைகளை மீறுவதாகும் என்று கருதுகிறோம். தொழில்நுட்பங்களை மேற்கோள் காட்டி, கனேடிய அரசாங்கம் இந்த விஷயத்தை நியாயப்படுத்த முடியாது. நமது இராஜதந்திரிகள் ஏற்கனவே போர்க்குணம் மற்றும் வன்முறை சூழலில் செயல்பட்டு வருகின்றனர்." என்று ரந்தீர் ஜெய்ஸ்வால் கூறியுள்ளார்.
கனடாவில் தீபாவளி கொண்டாட்டங்கள் ரத்து செய்யப்பட்டது குறித்து பேசிய ரந்தீர் ஜெய்ஸ்வால், "இது தொடர்பான சில செய்திகளை நாங்கள் கேள்விப்பட்டோம். சூழ்நிலை இந்த நிலையை எட்டியிருப்பது மிகவும் வருத்தமளிக்கிறது." என்றார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024
வேலணை மேற்கு 8ம் வட்டாரம், Jaffna, வேலணை மேற்கு 8ம் வட்டாரம், Northolt, United Kingdom
28 Oct, 2025
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 2ம் வட்டாரம், வட்டகச்சி, பேர்ண், Switzerland, பரிஸ், France
11 Nov, 2024
கரம்பன் மேற்கு, கரம்பன், கொழும்பு, சுவிஸ், Switzerland, கொழும்பு சொய்சாபுரம்
01 Nov, 2023
