லங்காசிறி FM
பெற்றோரைப் பிரிந்து ஜேர்மனியில் தவிக்கும் இந்தியக் குழந்தை: ஆறுதலளிக்கும் ஒரு செய்தி
ஜேர்மனியில் வாழ்ந்த ஒரு இந்திய தம்பதியரின் குழந்தை, அதிகாரிகளால் அவர்களிடமிருந்து பிரிக்கப்பட்டு மூன்று ஆண்டுகள் ஆகும் நிலையில், பிள்ளையை இந்தியாவுக்குக் கொண்டு வருவதற்கான முயற்சிகளில் தீவிரமாக இறங்கியுள்ளதாக இந்திய வெளியுறவுத்துறை அமைச்சர் தெரிவித்துள்ளார்.
என்ன பிரச்சினை?
குஜராத்தைச் சேர்ந்த மென்பொறியாளரான பவேஷ் ஷாவும் அவரது மனைவியான தாராவும், 2018ஆம் ஆண்டு ஜேர்மன் தலைநகர் பெர்லினுக்கு குடிபெயர்ந்தார்கள். 2021ஆம் ஆண்டு, தம்பதியருக்கு அரிஹா என்னும் பெண் குழந்தை பிறந்தது.
பேத்தியைப் பார்ப்பதற்காக அரிஹாவின் பாட்டி இந்தியாவிலிருந்து ஜேர்மனி வந்துள்ளார். அப்போது, ஒரு நாள், எதிர்பாராதவிதமாக பாட்டியால் குழந்தைக்கு காயம் ஏற்படவே, குழந்தையை மருத்துவமனைக்குக் கொண்டு சென்றுள்ளனர்.
குழந்தையின் உடலில் காயம் ஏற்பட்டிருந்தது தெரியவந்ததையடுத்து மருத்துவர்கள் பொலிசாருக்கு தகவலளிக்க, குழந்தையை கைப்பற்றி, அரசு காப்பகத்துக்குக் கொண்டு சென்றுவிட்டார்கள் அதிகாரிகள்.
மூன்று ஆண்டுகளாக, அரிஹா ஜேர்மனியில் காப்பகம் ஒன்றில் வளர்ந்துவருகிறாள்.
குழந்தையை இந்தியாவுக்குக் கொண்டு வர கோரிக்கை
அரிஹாவின் குடும்பத்தினர் ஜைன கலாச்சாரத்தை பின்பற்றுபவர்கள். சைவ உணவு உண்பவர்கள். ஆனால், அரிஹா ஜேர்மனியில் வளர்ந்தால், இந்திய மற்றும் ஜைன கலாச்சாரங்களில் வளர்வதற்கான வாய்ப்புகள் மிகக்குறைவு.
ஆகவே, தங்கள் குழந்தை தங்கள் கலாச்சாரத்தில் வளரவேண்டும் என்றும், அவளை இந்தியாவுக்குக் அனுப்பிவைக்கவேண்டும் என்றும் ஜேர்மனி அரசை கோரிவருகிறார்கள் அரிஹாவின் குடும்பத்தினர்.
ஆறுதலளிக்கும் ஒரு செய்தி
இந்நிலையில், அரிஹாவை விரைவில் இந்தியா கொண்டுவருவதற்கான சட்டப்படியான முயற்சிகளை இந்திய அரசு தீவிரப்படுத்திவருவதாக, இந்திய வெளியுறவுத்துறை அமைச்சரான S.ஜெய்ஷங்கர் தெரிவித்துள்ளார்.
அத்துடன், குழந்தையின் பெற்றோர், மாதம் இரு முறை குழந்தையை சந்திக்கவும் தற்போது ஏற்பாடுகள் செய்யப்பட்டுள்ளது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
