வெளிநாட்டில் டிரைவர் வேலை பார்த்து வரும் இந்தியருக்கு லொட்டரியில் அடித்த அதிர்ஷ்டம்! உச்சகட்ட மகிழ்ச்சியில் குடும்பத்தினர்

துபாயில் டிரைவர் வேலை பார்த்து வரும் இந்தியர் ஒருவர், லொட்டரி குலுக்கலில் 20 மில்லியன் திர்ஹான் வென்றுள்ளார்.

இந்தியாவின், கேராளவைச் சேர்ந்த Somarajan என்பவர் கடந்த மூன்று ஆண்டுகளாக லொட்டரி டிக்கெட் வாங்கும் பழக்கத்தை கொண்டுள்ளார். அதன் படி சமீபத்தில் இவர் லொட்டரி டிக்கெட் ஒன்றை வாங்கியுள்ளார்.

அதற்கான லொட்டரி குலுக்கல் இன்று நடைபெற்றுக் கொண்டிருந்த போது, இவர் தன் குடும்பத்தினருடன் சேர்ந்து காய்கறிகளை வாங்க சென்றுள்ளார். அதற்கிடையில், இவர் இந்த லொட்டரி குலுக்கான நேரலையை கேட்டபடி வந்துள்ளார்.

இதில் மூன்றாம்(1 மில்லியன் திர்ஹான்) மற்றும் இரண்டாம் பரிசு(3 மில்லியன் திர்ஹான்) அறிவிக்கப்பட்ட போது, இவர் பெயர் இடம் பெறவில்லை, அப்போது இவர் அங்கிருந்த மசூதியை பார்த்து, இந்த முறையும் தவறவிட்டுவிட்டேன் என்று கூறியுள்ளார்.

ஆனால், அவருடைய எட்டு வயது மகன் இந்த லொட்டரி குலுக்கலை தொடர்ந்து நேரலையில் பார்க்க, அவர் அப்பா வாங்கிய லொட்டரி எண் 349886(முதல் பரிசு 20 மில்லியன் திர்ஹான்) அறிவிக்க, உச்ச கட்ட மகிழ்ச்சியில் கத்தியுள்ளான். அதன் பின் அவருக்கு அவருடைய நண்பர்கள் தொலைப்பேசியில் தொடர்பு கொண்டு வாழ்த்து தெரிவித்து வருகின்றனர்.

இது குறித்து அவர் கூறுகையில், நான் கடந்த 2008-ஆம் ஆண்டு இங்கு வந்தேன். துபாயில் கார் டிரைவராக வெவ்வேறு நிறுவனங்களில் பணியாற்றியுள்ளேன். கடந்த ஆண்டு ஒரு நிறுவனத்தில் வேலை செய்து கொண்டிருந்த போது, சம்பள் குறைப்பு காரணமாக, என்னுடைய வாழ்க்கை கடினமாக இருந்தது.

இப்போது, ​​நான் ஒரு புதிய நிறுவனத்தில் விரைவில் சேரவுள்ளேன். ஒருவேளை அடுத்த மாதம். எனது சம்பளம் 3,500 திர்ஹாம்மாக இருக்கும். என் மனைவி ஒரு ஹோட்டலில் வேலை செய்கிறார்.

எனது வாழ்க்கைத் தரத்தை மேம்படுத்தும் நோக்கத்துடன் இந்த லொட்டரி டிக்கெட் வாங்குவேன். நான் எப்போதும் என் சொந்த தொழில் செய்ய விரும்பினேன். நான் எனது குடும்பத்தினருடன் கலந்தாலோசித்து பின் இந்த பரிசு தொகையை என்ன செய்ய வேண்டும் என்று முடிவு செய்யவுள்ளேன் என்று கூறியுள்ளார்.

மேலும், சோமராஜன் இந்த பரிசுத் தொகை ஒன்பது பேருடன் சேர்ந்து பகிர்ந்து கொள்வார். மொத்தம் 10 பேர் இந்த பரிசுதொகையை வென்றுள்ளனர், அவர்கள் பாகிஸ்தான், நேபாளம் மற்றும் வங்கதேசம் போன்ற நாடுகளைச் சேர்ந்தவர்கள் என்று அங்கிருக்கும் உள்ளூர் ஊடகம் குறிப்பிட்டுள்ளது.