இந்தியாவில் கார்களில் தானியங்கி பிரேக், EDR - மத்திய அரசு முன்மொழிவு

indian govt propose to mandate Automatic Emergency Braking System and edr in cars: இந்தியாவில் கார்களில் தானியங்கி அவசரகால பிரேக், காரின் 'கருப்பு பெட்டி' என அழைக்கப்படும் EDR ஆகியவற்றை கட்டாயமாக்கும் திட்டத்தை அரசு முன்மொழிந்துள்ளது.

தானியங்கி அவசரகால பிரேக்

இந்தியாவில் உள்ள கார்களில் தானியங்கி அவசர பிரேக்கிங், மற்றும் கருப்பு பெட்டி என அழைக்கப்படும் EDR உள்ளிட்ட புதிய வாகனப் பாதுகாப்பு விதிகளை சாலைப் போக்குவரத்து மற்றும் நெடுஞ்சாலைகள் அமைச்சகம் முன்வைத்துள்ளது.

இந்த மாற்றங்கள், பயணிகளின் பாதுகாப்பை அதிகரிப்பதையும், சாலை விபத்துகளின் தீவிரத்தைக் குறைப்பதையும், பாதசாரிகள் போன்ற சாலைப் பயனாளிகளின் பாதுகாப்பை மேம்படுத்துவதையும் நோக்கமாகக் கொண்டுள்ளன. 

இதன்படி, 1 அக்டோபர் 2030 முதல் அறிமுகமாகும் கார்களில், AEBS எனப்படும் அதாவது தானியங்கி அவசரகால பிரேக்கிங் அமைப்பு (Automatic Emergency Braking System) இருக்க வேண்டும் என தெரிவித்துள்ளது. மேலும், 1 அக்டோபர் 2032 முதல் தற்போதுள்ள கார்களுக்கும் இது பொருத்தப்பட வேண்டும் என தெரிவித்துள்ளது. 

பறக்கும் மின்சார வாகனத்தை உருவாக்கிய இந்தியர்; பொறியியல் பட்டம் கூட இல்லை

AEBS என்பது முன்னால் உள்ள சாலையைக் கண்காணிக்க ரேடார் அல்லது கேமராக்களைப் பயன்படுத்துகிறது. 

ஒரு வாகனம் அல்லது தடையுடன் மோதல் ஏற்பட வாய்ப்புள்ளதை அது உணர்ந்தால், முதலில் சாரதியை எச்சரிக்கிறது. சாரதி எதிர்வினையாற்றவில்லை என்றால், அந்த அமைப்பு தானாகவே பிரேக் போடுகிறது. இது மோதலைத் தவிர்க்கலாம் அல்லது அதன் தீவிரத்தைக் குறைக்கலாம். 

குழந்தைகளின் பாதுகாப்பிற்காக, ISOFIX நங்கூரங்கள், மேல் இணைப்புக் கயிறுகள் மற்றும் i-Size இருக்கை நிலைகளைக் கொண்ட கார்கள் AIS-182 தரநிலையைப் பூர்த்தி செய்ய வேண்டும். இது அக்டோபர் 1, 2027 முதல் புதிய மாடல்களுக்கும், அக்டோபர் 1, 2028 முதல் அனைத்து மாடல்களுக்கும் பொருந்தும்.

அத்துடன், மறைவுப் பகுதித் தகவல், புறப்படும் தகவல், ஓட்டுநர் தூக்கக் கலக்கத்தைக் கண்டறியும் அமைப்பு மற்றும் பாதை விலகல் எச்சரிக்கை அமைப்புகளும் கட்டாயமாக்கப்பட்டுள்ளன.

லாரிகளுக்கான திருத்தப்பட்ட பிரேக்கிங் தரநிலையானது, வளைவுகளில் பிரேக் பிடிக்கும்போது நிலைத்தன்மையை மேம்படுத்துவதற்கான மின்னணு நிலைத்தன்மைக் கட்டுப்பாட்டுடன் (ESC) சேர்த்து, அக்டோபர் 1, 2027 முதல் நடைமுறைக்கு வரவுள்ளது.

EDR எனப்படும் காரின் கருப்பு பெட்டி

மேலும், EDR எனப்படும் நிகழ்வு தரவுப் பதிவி (Event Data Recorder) காரில் பொருத்தப்பட வேண்டும் என தெரிவித்துள்ளது.

பொதுவாக காரின் 'கருப்பு பெட்டி' என்று அழைக்கப்படும் இந்த EDR விமானத்தின் கருப்புபெட்டியை போல், உரையாடல்களை பதிவு செய்யாது. 

மாறாக, வாகனத்தின் வேகம், பிரேக்குகள் பயன்படுத்தப்பட்டதா இல்லையா, சீட் பெல்ட் பயன்பாடு மற்றும் ஏர்பேக் விரிந்த நேரம் போன்ற தரவுகளை பதிவு செய்யும். விபத்து நேர்ந்தால், விசாரணையில் புலனாய்வாளர்களுக்கு இந்த தரவுகள் பயன்படும்.

சீனா 2022 ஜனவரி 1 முதல் பயணிகள் கார்களுக்கு EDRகளைக் கட்டாயமாக்கியது, அதே நேரத்தில் ஐரோப்பாவில் புதிய கார்களுக்கான தேவைகளும் 2022 இல் நடைமுறைக்கு வந்தன.

அமெரிக்காவில், 2013 மாடல் ஆண்டு பயணிகள் கார்களில் சுமார் 96% கார்களில் EDR கள் ஏற்கனவே இருந்ததாக தேசிய நெடுஞ்சாலை போக்குவரத்து பாதுகாப்பு நிர்வாகம் மதிப்பிட்டுள்ளது.

இந்த அறிவிப்பு வெளியான 30 நாட்களுக்குள் பெறப்படும் ஆட்சேபனைகள் மற்றும் ஆலோசனைகளை அமைச்சகம் பரிசீலிக்கும்.