லங்காசிறி FM
அந்தமான்-நிக்கோபார் தீவுகளின் தலைநகர் பெயர் மாற்றம்! இந்திய உள்துறை அமைச்சர் அமித்ஷா தகவல்
அந்தமான் நிக்கோபார் தீவுகளின் தலைநகர் ஶ்ரீ விஜயபுரம் என பெயர் மாற்றம் செய்யப்படுவதாக இந்திய உள்துறை அமைச்சர் அமித் ஷா தெரிவித்துள்ளார்.
பெயர் மாற்றம்
இந்திய யூனியன் பிரதேசமான அந்தமான் நிக்கோபார் தீவுகளின் தலைநகரான போர்ட் பிளேயரின் பெயர் ஶ்ரீ விஜய புரம் என மாற்றம் செய்யப்படுவதாக இந்திய உள்துறை அமைச்சர் அமித்ஷா வெள்ளிக்கிழமை தெரிவித்துள்ளார்.
நாட்டின் சுதந்திர போராட்டம் மற்றும் வரலாற்றில் இணையற்ற இடம் பிடித்துள்ள அந்தமான் மற்றும் நிக்கோபார் தீவுகள்(Andaman and Nicobar Islands) மீதுள்ள காலனித்துவ முத்திரைகளை விடுவிக்க இந்த முடிவு எடுக்கப்பட்டு இருப்பதாக அமித்ஷா தெரிவித்துள்ளார்.
Inspired by the vision of PM @narendramodi Ji, to free the nation from the colonial imprints, today we have decided to rename Port Blair as "Sri Vijaya Puram."
— Amit Shah (@AmitShah) September 13, 2024
While the earlier name had a colonial legacy, Sri Vijaya Puram symbolises the victory achieved in our freedom struggle…
நாட்டின் மீதுள்ள காலனித்துவ முத்திரைகளை விடுவிக்க வேண்டும் என்ற இந்திய பிரதமர் நரேந்திர மோடியின் தொலைநோக்கு பார்வையில் இருந்து, இன்று தலைநகர் போர்ட் பிளேயரின்(Port Blair) பெயர் ஶ்ரீ விஜய புரம்(Sri Vijaya Puram) என மாற்றப்படுவதாக அமித்ஷா தெரிவித்துள்ளார்.
பழைய பெயர் காலனித்துவ பெருமையை கொண்டிருந்ததாகவும், தற்போதைய ஶ்ரீ விஜய புரம் என்ற பெயர், இந்திய சுதந்திர போராட்டத்தில் கிடைத்த வெற்றி மற்றும் அதில் அந்தமான் மற்றும் நிக்கோபார் தீவுகளின் தனித்துவமான அங்கம் ஆகியவற்றை எடுத்துரைப்பதாக உள்ளது என்றும் உள்துறை அமைச்சர் அமித்ஷா தெரிவித்துள்ளார்.
அந்தமான் மற்றும் நிக்கோபார் தீவுகள் முந்தைய காலகட்டத்தில் சோழ பேரரசின் கடல்துறை மையமாகவும், தற்போது இந்திய அரசின் முலோபாய இடமாகவும் இருந்து வருவதாக ஷா குறிப்பிட்டுள்ளார்.
அத்துடன் நேதாஜி சுபாஷ் சந்திர போஸின் முதல் திரங்காவை தொகுத்து வழங்கிய இடமும், பல சுதந்திர போராட்ட வீரர்கள் சுதந்திர தேசத்திற்காக போராடிய செல்லுலார் சிறையும் உள்ள இடம் இதுவாகும் என ஷா தெரிவித்துள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
