லங்காசிறி FM
இந்தியாவில் உயரும் பாஸ்போர்ட் கட்டணம் - எவ்வளவு? எப்போது முதல்?
இந்திய வெளியுறவு அமைச்சகம், கடவுச்சீட்டு (திருத்த) விதிகள், 2026 மூலம் இந்தியாவில் பாஸ்போர்ட் மற்றும் அது சார்ந்த சேவைகளுக்கான கட்டண உயர்வை அறிவித்துள்ளது.
கடைசியாக 2012 ஆம் இந்த கட்டணங்கள் திருத்தப்பட்ட நிலையில், தற்போது 14 ஆண்டுகளுக்கு பிறகு.உயர்த்தப்பட்டுள்ளது.
இந்த புதிய கட்டண உயர்வு ஜூலை 1 முதல் அமுலுக்கு வர உள்ளது.
பாஸ்போர்ட் புதிய கட்டண திருத்தம்
36 பக்க பாஸ்போர்ட்
18 வயது மற்றும் அதற்கு மேற்பட்டவர்களுக்கான 36 பக்க புதிய பாஸ்போர்ட் அல்லது புதுப்பித்தலுக்கான கட்டணம் தற்போது ரூ.1,500 ஆக உள்ள நிலையில் ரூ.2,500 ஆக உயர்த்தப்பட்டுள்ளது.
இதே பாஸ்போர்ட்டை தட்கல் முறையில் விண்ணப்பிக்க தற்போது ரூ.3,500 ஆக உள்ள நிலையில் ரூ.5,000 ஆக உயர்த்தப்பட்டுள்ளது.
36 பக்க பாஸ்போர்ட் சேதமடைந்தாலோ அல்லது தொலைந்தாலோ புதிய பாஸ்போர்ட் பெற சாதாரண முறையில் ரூ.3,000 ஆக இருந்தது ரூ.5,000 ஆகவும், தட்கல் முறையில் ரூ.5,000 ஆக இருந்தது ரூ.7,500 ஆகவும் உயர்த்தப்பட்டுள்ளது.
60 பக்க பாஸ்போர்ட்
18 வயது மற்றும் அதற்கு மேற்பட்டவர்களுக்கான 60 பக்க புதிய பாஸ்போர்ட் அல்லது புதுப்பித்தலுக்கான கட்டணம் தற்போது ரூ.2,000 ஆக உள்ள நிலையில் ரூ.3,500 ஆக உயர்த்தப்பட்டுள்ளது.
இதே பாஸ்போர்ட்டை தட்கல் முறையில் விண்ணப்பிக்க தற்போது ரூ.4,000 ஆக உள்ள நிலையில் ரூ.6,000 ஆக உயர்த்தப்பட்டுள்ளது.
60 பக்க பாஸ்போர்ட் சேதமடைந்தாலோ அல்லது தொலைந்தாலோ புதிய பாஸ்போர்ட் பெற சாதாரண முறையில் ரூ.3,500 ஆக இருந்தது ரூ.6,000 ஆகவும், தட்கல் முறையில் ரூ.5,500 ஆக இருந்தது ரூ.8,500 ஆகவும் உயர்த்தப்பட்டுள்ளது.
18 வயதுக்கு உட்பட்டவர்களுக்கு
18 வயதுக்கு உட்பட்டவர்களுக்கு 36 பக்க புதிய பாஸ்போர்ட் அல்லது புதுப்பித்தலுக்கான கட்டணம் சாதாரண முறையில் சாதாரண முறையில் ரூ.1,000 ஆக இருந்தது ரூ.1,750 ஆகவும், தட்கல் முறையில் ரூ.2,000 ஆக இருந்தது ரூ.4,250 ஆகவும் உயர்த்தப்பட்டுள்ளது.
36 பக்க பாஸ்போர்ட் சேதமடைந்தாலோ அல்லது தொலைந்தாலோ புதிய பாஸ்போர்ட் பெற சாதாரண முறையில் ரூ.4,250, தட்கல் முறையில் ரூ.6,750 என நிர்ணயிக்கப்பட்டுள்ளது.
இதே போல், காவல்துறை சரிபார்ப்பு சான்றிதழ், பாஸ்போர்ட் சரண்டர் சான்றிதழ் மற்றும் உலகளாவிய நுழைவுத் திட்ட சரிபார்ப்பு போன்ற இதர சேவைகளுக்கான கட்டணமும் இந்தியாவில் ரூ.500லிருந்து ரூ.750 ஆக உயர்த்தப்பட்டுள்ளது.
இதே போல் வெளிநாட்டில் வாழும் இந்தியர்களுக்கான கட்டணமும் உயர்த்தப்பட்டுள்ளது.
கட்டணங்கள் உயர்த்தப்பட்டாலும், பாஸ்போர்ட்டின் செல்லுபடியாகும் காலம் அப்படியே தொடர்கிறது. ஜூலை 1 ஆம் திகதி முதல் விண்ணப்பிப்பவர்களுக்கு புதிய கட்டணங்களே பொருந்தும்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
மலேசியா, Malaysia, மானிப்பாய், Duisburg, Germany, London, United Kingdom
10 Jul, 2026
மானிப்பாய், London Ontario, Canada
07 Aug, 2025
யாழ் நெடுந்தீவு 12ம் வட்டாரம், Jaffna, நயினாதீவு, London, United Kingdom
02 Aug, 2026
