லங்காசிறி FM
இலங்கைக்கு விஜயம் செய்யும் இந்திய பிரதமர் - இரு நாட்டு உறவும் மேம்படுமா?
பிரதமர் நரேந்திர மோடி இந்த வருடத்திற்குள் இலங்கைக்கு விஜயம் செய்வார் என கொழும்பில் உள்ள இந்திய உயர்ஸ்தானிகராலயம் செவ்வாய்க்கிழமை (07) அறிவித்துள்ளது. இருப்பினும், திகதி இன்னும் இரு தரப்பினராலும் முடிவு செய்யப்படவில்லை.
இந்திய உயர் ஸ்தானிகர் சந்தோஷ் ஜா செய்தியாளர்களிடம் கூறுகையில், "இந்த பயணத்திற்கான சரியான நேரத்தை நாங்கள் உருவாக்கும் பணியில் ஈடுபட்டுள்ளோம்.
ஜனாதிபதி அனுரகுமார திஸாநாயக்க, டிசம்பரின் நடுப்பகுதியில் புதுடில்லிக்கு இரண்டு நாள் விஜயம் மேற்கொண்டிருந்த போது, மோடிக்கு இந்த அழைப்பை விடுத்திருந்தார்.
திஸாநாயக்க செப்டம்பரில் ஜனாதிபதியாக தெரிவு செய்யப்பட்ட பின்னர் இந்தியாவை தனது முதல் இலக்காக மாற்றினார்.
திஸாநாயக்க பொறுப்பேற்றவுடன் கொழும்புக்கு விஜயம் செய்த முதல் வெளிநாட்டு பிரமுகர் இந்திய வெளிவிவகார அமைச்சர் கலாநிதி எஸ் ஜெய்சங்கர் ஆவார்.
பிரதமர் மோடி 2015 முதல் 2017 வரை இரண்டு முறை இலங்கைக்கு விஜயம் செய்தார்.
ஜனாதிபதி அநுர குமார திஸாநாயக்க விரைவில் சீனாவுக்கு விஜயம் செய்யவுள்ளார்.
அவர் 2025 ஜனவரி 14 முதல் ஜனவரி 17 வரை சீனாவுக்கான உத்தியோகபூர்வ விஜயத்தை மேற்கொள்ளவுள்ளதாக அமைச்சரவைப் பேச்சாளர் நேற்று தெரிவித்துள்ளமை குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 10ம் வட்டாரம், கிளிநொச்சி, Lützelflüh, Switzerland
21 May, 2026
