பிரித்தானியாவின் மிக அழகான ஹொட்டல்கள் பட்டியலில் ஒரு இந்திய உணவகம்

பிரித்தானியாவின் மிக அழகான ஹொட்டல்கள் பட்டியலில் லண்டனிலுள்ள மூன்று உணவகங்கள் இடம்பிடித்துள்ளன.

அவற்றில், ஒரு இந்திய உணவகமும் உள்ளது.

பிரித்தானியாவின் மிக அழகான ஹொட்டல்கள்

OpenTable என்னும் அமைப்பு, பிரித்தானியாவின் மிக அழகான ஹொட்டல்களின் பட்டியலை (The most beautiful restaurants in the UK) வெளியிட்டுள்ளது.

அந்தப் பட்டியலில், லண்டனிலுள்ள மூன்று ஹொட்டல்களுக்கு இடம் கிடைத்துள்ளது. அவை எந்தெந்த ஹொட்டல்கள் என்று பார்க்கலாம்.

1. NoMad Restaurant

மூன்று தளங்கள் கொண்ட NoMad Restaurant என்னும் உணவகம், மேற்சுவரில் பதிக்கப்பட்ட உயர்தர கண்ணாடிகளும், தாவரங்களுக்கென தனியாக அமைப்பட்ட தளங்களுமாய் அழகே வடிவாக காணப்படுகிறது. 

Image: Open Table - The Nomad

உள்ளூர் விவசாயிகள் மற்றும் பிராந்திய விநியோகஸ்தர்களிடமிருந்து பொருட்களைப் பெற்று, பருவங்களைப் பிரதிபலிக்கும் வகையில் பருவத்திற்கேற்ப உணவுகள் மெனுவும் ஆண்டு முழுவதும் மாறும் வகையில் வடிவமைக்கப்பட்டுள்ளது.

2. Colonel Saab

இந்திய உணவகமான Colonel Saabக்கு சொந்தமாக இரண்டு உணவகங்கள் உள்ளன. அவை இரண்டுமே, வரலாற்றுச் சிறப்புமிக்க இந்திய கலைப்பொருட்கள் மற்றும் பண்டைகால மரச்சாமான்களால் அலங்கரிக்கப்பட்டுள்ளன.

Image: Open Table - Colonel Saab

அவற்றில் Holbornஇலுள்ள குஜராத் கோவிலிலிருந்து கொண்டுவரப்பட்ட தூய வெள்ளியால் ஆன கதவும் அடங்கும். இந்த ஹொட்டலின் மெனுவில், லண்டனிலுள்ள எந்த உணவகத்திலும் கிடைக்காத, சுவையான இந்திய உணவுகள் இடம்பெற்றுள்ளன. 

3. Brasserie of Light

Brasserie of Light உணவகம், கலையம்சம் மிக்க அலங்காரத்திற்கு பெயர் பெற்றது.

அவற்றில், உணவகத்தில் அமைக்கப்பட்டுள்ள 24 அடி உயரமுள்ள Pegasus சிலையும் ஒன்று.

Image: Open Table - Brasserie of Light

இந்த உணவகத்தின் மெனுவில் இடம்பெற்றுள்ள உணவு வகைகளில், புகழ் பெற்ற eggs benedict with honeyed roast ham என்னும் உணவும், oysters ஸ்டார்ட்டர்களும், champagneம் அடங்கும்.