லங்காசிறி FM
கலைந்தது அமெரிக்க கனவு.. இந்திய மாணவர் தலையில் சுத்தியலால் 50 முறை அடித்து கொலை
அமெரிக்காவில் வீடற்ற ஒருவரால் இந்திய மாணவர் ஒருவர் சுத்தியலால் தலையில் 50 முறை அடித்துக் கொல்லப்பட்டார்.
இந்தியாவை சேர்ந்த 25 வயதான விவேக் சைனி அமெரிக்காவில் முதுகலை படித்து வருகிறார்.
ஜார்ஜியாவின் லித்தோனியாவில் உள்ள ஒரு கடையில் பகுதி நேர எழுத்தராக பணிபுரிகிறார்.
சமீபத்தில் ஜூலியன் பால்க்னர் என்ற வீடற்ற மனிதர் கடைக்குள் வந்தார். வெளியில் குளிர் அதிகமாக இருந்ததால், விவேக் மற்றும் கடை ஊழியர்கள் அவருக்கு அடைக்கலம் கொடுத்தனர்.
இரண்டு நாட்கள் அங்கிருந்த பால்க்னருக்கு சிப்ஸ், கோக், குடிநீர், சூடுக்காக ஜாக்கெட் ஆகியவை கொடுக்கப்பட்டன. அந்த நபர் விவேக்கிடம் பலமுறை சிகரெட் கேட்டு எடுத்துக்கொண்டார்.
இதையடுத்து, ஜூலியன் பால்க்னர் அந்த கடையை விட்டு வெளியேறாமல் அங்கேயே தங்கினார்.
இந்நிலையில், ஜனவரி 16-ம் தேதி கடையை விட்டு வெளியே வர நேரிட்டால் பொலிஸை அழைக்கிறேன் என்றார் விவேக். அதன் பிறகு வீட்டிற்கு செல்ல ஆயத்தமானார்.
இதற்கிடையில், ஜூலியன் பால்க்னர் விவேக்கிடம் வந்து கையில் சுத்தியலால் தாக்குதல் நடத்தினார்.
சுத்தியலால் தலை மற்றும் முகத்தில் சுமார் 50 முறை அடித்துள்ளார். இதில் ரத்த வெள்ளத்தில் விழுந்த விவேக் சம்பவ இடத்திலேயே பரிதாபமாக இறந்தார்.
மறுபுறம், கடையில் இருந்த மற்ற ஊழியர்கள் இதைப் பார்த்து பீதியடைந்தனர். உடனடியாக பொலிஸாருக்கு தகவல் கொடுத்தனர். பொலிஸ் அங்கு வந்தனர்.
விவேக்கின் சடலத்துடன் ஜூலியன் பால்க்னர் கையில் சுத்தியலுடன் கைது செய்யப்பட்டார். கடையின் சிசிடிவியில் பதிவான வீடியோ காட்சிகளை பொலிஸார் ஆய்வு செய்தனர். இந்த வீடியோ கிளிப் சமூக வலைதளங்களில் வைரலாக பரவி வருகிறது.
இதனிடையே, அரியானாவின் பர்வாலாவைச் சேர்ந்த விவேக் சைனி கொலை செய்யப்பட்டதை அறிந்த அவரது குடும்பத்தினர் அதிர்ச்சியடைந்தனர்.
சண்டிகர் பல்கலைக்கழகத்தில் கணினி அறிவியலில் பி.டெக் முடித்த விவேக், இரண்டு ஆண்டுகளுக்கு முன் அமெரிக்கா சென்றதாக உறவினர்கள் தெரிவித்தனர்.
இவர் சமீபத்தில் அலபாமா பல்கலைக்கழகத்தில் வணிக நிர்வாகத்தில் முதுகலைப் பட்டம் பெற்றார்.
விவேக்கின் உடல் இந்தியா வந்துவிட்டதாகவும், இறுதிச் சடங்குகள் முடிந்துவிட்டதாகவும் அவர்கள் தெரிவித்தனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
Indian student killed by homeless man in US, hammer, Indian Student USA, Lithonia, Georgia, Julian Faulkner, Vivek Saini
சாவகச்சேரி, கிளிநொச்சி முரசுமோட்டை 3ம் யூனிற், Jaffna, Markham, Canada
03 May, 2024
கரம்பொன் தெற்கு, பிரான்ஸ், France, Commune de Monaco, Monaco, London, United Kingdom
25 Apr, 2024
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024
