லங்காசிறி FM
விக்ரம்-1 ரொக்கெட்டில் விண்வெளிக்கு அனுப்பப்படும் வைரத் தாமரை
இந்தியா தனது தனியார் விண்வெளி முயற்சியில் புதிய வரலாற்றை படைக்கிறது.
ஸ்கைரூட் ஏரோஸ்பேஸ் நிறுவனத்தின் விக்ரம்-1 ரொக்கெட்டில், பெங்களூருவில் தயாரிக்கப்பட்ட ஆய்வக வைரத்தால் செய்யப்பட்ட தாமரை வடிவ நகை விண்வெளிக்கு அனுப்பப்பட உள்ளது.
இந்த வைரத் தாமரை, இந்தியாவின் கைவினை திறமை, கலாச்சாரம் மற்றும் புதுமையை உலகிற்கு அறிமுகப்படுத்தும் அடையாளமாகக் கருதப்படுகிறது.
"காஸ்மோஸ் டையமண்ட்ஸ்" என்ற நகை நிறுவனம் இதனை வடிவமைத்து வழங்கியுள்ளது.
தாமரை இந்தியாவின் தேசிய மலராகும். அது புனிதம், படைப்பு மற்றும் அறிவொளியை குறிக்கும் சின்னமாக இந்திய பாரம்பரியத்தில் முக்கிய இடம் பெற்றுள்ளது.
வடிவமைப்பில், தங்கக் கருவில் சுற்றி வைரங்கள் பொருத்தப்பட்டுள்ளன. இது பாரம்பரியமாக லட்சுமி, பிரம்மா போன்ற தெய்வங்களின் ஆசனத்தை குறிக்கும் வகையில் வடிவமைக்கப்பட்டுள்ளது.
விண்வெளி பயணத்தின் கடுமையான அதிர்வுகள் மற்றும் அழுத்தங்களை தாங்கும் வகையில் பல்வேறு பரிசோதனைகள் மேற்கொள்ளப்பட்டுள்ளன.
This is Cosmic Bloom 🪷
— Cosmos Diamonds (@CosmosDiamonds) July 8, 2026
A lab-grown diamond shaped like a lotus - India’s flower, where gods are depicted, where Cosmos began.
One of the hardest substances on earth, shaped to survive the journey to space.
Meaning over beauty. Story over shine. 🚀 pic.twitter.com/Vaj2D1ECKl
இந்த வைரத் தாமரை அறிவியல் ஆய்வுக்கான பொருள் அல்ல. ஆனால், இந்தியாவின் கலை, கலாச்சாரம் மற்றும் புதுமையை பிரதிபலிக்கும் ஒரு அடையாளமாக விண்வெளிக்கு அனுப்பப்படுவது, நாட்டின் விண்வெளி வரலாற்றில் ஒரு முக்கியமான நிகழ்வாகும்.
விக்ரம்-1, இந்தியாவின் முதல் தனியார் நிறுவனத்தால் உருவாக்கப்பட்ட செயற்கைக்கோள் ஏவுகணை ரொக்கெட் ஆகும்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புதுக்குளம், Ilford, United Kingdom, பிரித்தானியா, United Kingdom
10 Jul, 2019
புங்குடுதீவு 11ம் வட்டாரம், மல்லாவி, ஆனைப்பந்தி, Toronto, Canada
21 Jul, 2025
