7.3 சதவீதம் வளர்ச்சி கண்டுள்ள இந்திய பொருளாதாரம்

By Ragavan Nov 26, 2025 12:35 AM GMT

Ragavan

in இந்தியா

Report

இந்தியாவின் பொருளாதாரம் 2025 ஜூலை-செப்டம்பர் காலாண்டில் 7.3 சதவீதம் வளர்ச்சி கண்டுள்ளதாக ராய்ட்டர்ஸ் நடத்திய பொருளாதார நிபுணர்கள் கருத்துக்கணிப்பு தெரிவிக்கிறது.

இந்த வளர்ச்சிக்கு முக்கிய காரணமாக கிராமப்புற செலவினங்கள் மற்றும் அரசாங்க முதலீடுகள் குறிப்பிடப்படுகின்றன.

குடும்ப நுகர்வு, இந்திய பொருளாதாரத்தின் 60 சதவீத பங்கைக் கொண்டுள்ள நிலையில், விவசாய உற்பத்தி அதிகரிப்பு காரணமாக கிராமப்புறங்களில் செலவினம் உயர்ந்தது. ஆனால், நகர்ப்புற தேவைகள் மற்றும் தனியார் முதலீடுகள் இன்னும் பின்தங்கியுள்ளன.

அரசின் செலவினங்கள் தொடர்ந்து வளர்ச்சியை ஆதரித்தாலும், அமெரிக்க ஜனாதிபதி டொனால்டு ட்ரம்ப் இந்தியப் பொருட்களுக்கு 50 சதவீதம் சுங்கவரி விதித்தது வெளிநாட்டு முதலீட்டாளர்களை பாதித்துள்ளது.

India GDP growth July September 2025, Indian economy Q2 FY25 growth report, Reuters poll India GDP forecast, India household consumption rise 2025, Rural spending boosts India economy, India government expenditure growth, India inflation deflator impact GDP, India private investment slowdown, India GST cuts demand effect, India fastest growing major economy

இதன் விளைவாக, 2025-ல் இதுவரை 16 பில்லியன் டொலர் மதிப்பிலான வெளிநாட்டு முதலீடுகள் இந்திய பங்குச் சந்தையிலிருந்து வெளியேறியுள்ளன.

பொருளாதார நிபுணர்கள், பணவீக்கத்தின் விளைவை அகற்றப் பயன்படுத்தப்படும் டிஃப்ளேட்டர் (deflator) மிகவும் குறைவாக இருந்ததால், 'உண்மையான GDP வளர்ச்சி' அதிகமாகத் தோன்றுகிறது எனக் கூறுகின்றனர்.

ஜூலை-செப்டம்பர் காலத்தில் மொத்த விலைப் புள்ளி (WPI) சுமார் 0 சதவீதம் மற்றும் நுகர்வோர் விலைப் புள்ளி (CPI) சராசரியாக 2 சதவீதம் மட்டுமே இருந்தது.

அடுத்த காலாண்டில் வளர்ச்சி 6.8 சதவீதமாகவும், 2026 மார்ச் முடிவில் 6.3 சதவீதமாகவும் குறையும் என நிபுணர்கள் கணிக்கின்றனர்.

மேலும், சமீபத்திய GST வரி குறைப்புகள் நுகர்வை ஊக்குவிக்கும் என்றாலும், இந்திய குடும்பங்கள் அதிக கடன் சுமையால் அதன் பலனை முழுமையாகப் பெற முடியாது என ஆய்வாளர்கள் எச்சரிக்கின்றனர்.

இந்த அறிக்கை, இந்தியா இன்னும் உலகின் அதிவேகமாக வளர்ந்து வரும் பெரிய பொருளாதாரங்களில் ஒன்றாக இருப்பதை உறுதிப்படுத்துகிறது.