ஊர் சுத்தணுமா? இந்தோனேஷியா சுற்றுலா தளங்கள் ஓர் பார்வை

சிலருக்கு எப்படியாவது உலக வரைப்படத்திலுள்ள நாடுகளை சுற்றிப் பார்த்துவிட வேண்டும் என்பதுதான் ஆசையாக இருக்கும்.

ஆனால், முதலில் எங்கு செல்வது என்பதுதான் அடுத்த யோசனை. அதற்கு சிறந்த ஒரு இடம் காணப்படுகிறது. அதுதான் இந்தோனேஷியா.

இங்கே 18,000க்கும் மேற்பட்ட தீவுகள், அமைதியான கடற்கரைகள், ஏராளமான வனவிலங்குகள் என பல சிறப்பு வாய்ந்த இடங்கள் காணப்படுகின்றன.

உங்கள் விடுமுறையை கடற்கரையில் கழிக்க வேண்டும் என்று விரும்புபவராக இருந்தாலோ அல்லது சாகசச் செயல்களின் மேல் ஆர்வமுள்ளவராக இருந்தாலோ இந்த இந்தோனேஷியா பயணம் சிறப்பான ஒரு அனுபவத்தைப் பெற்றுத் தரும்.

சரி இனி இந்தோனேஷியாவின் சிறப்பை பிரதிபலிக்கும் சில இடங்களைப் பார்ப்போம்.

dieng plateau

இந்த நிலமானது, ப்ராவ் மலையில் வெடிப்பினால் உருவான சதுப்பு நிலமாகும். தியெங் என்ற பெயரின் பொருள் கடவுள்களின் இடம் என்பதாகும். இங்கே எரிமலை ஏரிகள், பண்டைய கோயில்கள் இடிபாடுகள் என்பவற்றையும் காணலாம். இது கடல் மட்டத்திலிருந்து 2000 மீட்டர் உயரத்திலுள்ள கால்டெரா வளாகத்தின் தளத்தை உருவாக்குகிறது.

Bali

இந்த இடமானது சொர்க்கத்தில் இருப்பதைப் போன்று உங்களை உணரச் செய்யும். அதற்குக் காரணம், இங்கே வரலாற்று நினைவுச் சின்னங்கள், நீர் விளையாட்டுக்கள், அழகான கோயில்கள் என்பன காணப்படுகின்றன. இங்கே ஆடம்பரமான தங்குமிட வசதிகளும் காணப்படுகின்றது. அது மாத்திரமின்றி இங்கே தனித்துவமான கலாசாரம், மசாலாப் பொருட்களின் நறுமணமும் உங்களை மெய் மறக்கச் செய்து விடும்.

Yogyakarta

இங்கே புத்த கட்டிடங்கள் முதல் அருங்காட்சியங்கள் வரை இயற்கை அதிசயங்கள், சிறந்த உணவுகள் என அனைத்தும் காணப்படுகின்றது. ஜாவானியர்களின் வாழ்க்கை முறையை பார்க்க விரும்பினால் இங்கே வர வேண்டும். இந்தோனேஷியாவின் முக்கிய சுற்றுலாத் தளங்களில் இதுவும் ஒன்று.

Komodo National Park

இங்கே பல்வேறு விலங்குகள், தாவரங்கள், கடல்வாழ் உயிரினங்கள் காணப்படுகின்றன. இந்தத் தீவில் நரிகளைப் பார்க்கலாம். இங்கே ஸ்கூபா டைவிங்கை அனுபவிக்கலாம் மற்றும் மெசா கிராமத்திலுள்ள உள்ளூர்வாசிகளையும் பார்வையிடலாம். இந்தோனேஷியாவின் சிறப்பு வாய்ந்த இடங்களில் இதுவும் ஒன்று.

Raja Ampat Islands

வெள்ளை மணல் கடற்கரைகள், காடுகளால் மூடப்பட்ட தீவுகள் என்பன ராஜா அம்பாட்டை இந்தோனேஷியாவின் முக்கிய சுற்றுலாத் தளமாகக் காணப்படுகிறது. இது 1500க்கும் மேற்பட்ட சிறிய தீவுகளின் தொகுப்பாகக் காணப்படுகிறது. இது இந்தோனேஷியாவின் முக்கிய தலங்களில் ஒன்றாக இருக்கிறது.

Mount Bromo

இந்த எரிமலையானது மணல் கடல் என்று கூறப்படும் சமவெளியின் நடுவில் உள்ளது. இங்கே கண்கவர் இயற்கைக்காட்சி மற்றும் பள்ளம் செயல்பாடுகளானது, சுற்றுலாப் பயணிகளிடையே மிகுந்த வரவேற்பைப் பெறுகின்றது. இயற்கையின் உண்மையான அர்த்தத்தை இங்கு காணலாம்.