லங்காசிறி FM
Post Office திட்டத்தில் ரூ.5,000 முதலீடு செய்தால் 5 வருடங்களில் பெரும் தொகையை பெறலாம்
வெறும் 5 ஆயிரம் ரூபாய் முதலீட்டில் சில வருடங்களில் பெரும் தொகையை பெறக்கூடிய அஞ்சல் அலுவலகத்தின் மிக அற்புதமான முதலீட்டுத் திட்டத்தைப் பற்றி பார்க்கலாம்.
Post Office Recurring Deposit Scheme
தபால் நிலையத்தின் திட்டங்களில் சிறந்த வருமானத்தை தரும் திட்டங்களில் ஒன்று தான் ரெக்கரிங் டெபாசிட் (Post Office Recurring Deposit) சேமிப்பு திட்டம். இந்த திட்டத்தில் நீங்கள் மிக குறைந்த தொகையில் இருந்தே சேமிப்பை தொடங்கலாம்.
முக்கியமாக, இந்த திட்டத்தில் உங்களது பணம் பாதுகாப்பாக இருக்கும். இந்த திட்டத்தில் ரூ.100 மற்றும் அதற்கு மேல் (ரூ. 10 இன் மடங்குகளில்) மாதாந்திர முதலீடுகளை செலுத்தலாம்.
Recurring Deposit கணக்குக்கான கால வரம்பு 5 ஆண்டுகள் ஆகும். ஒவ்வொரு காலாண்டு முடியும் போது கூட்டு வட்டியுடன் உங்களது கணக்கில் சேர்க்கப்படும்.
இந்த திட்டத்தில் 6.7% வட்டி (Interest) வழங்கப்படுகிறது. ஐந்து வருட முதிர்வு காலத்திற்குப் பிறகு, உங்கள் முதலீட்டு காலத்தை மேலும் ஐந்து ஆண்டுகளுக்கு நீட்டிக்கலாம்.
இந்தத் திட்டத்தில் கணக்குத் தொடங்கி, ஐந்து ஆண்டுகளுக்கு ஒவ்வொரு மாதமும் ரூ. 5,000 முதலீடு செய்தால், நீங்கள் முதலீடு செய்த தொகை ரூ.3 லட்சமாக இருக்கும்.
6.7 சதவீத வட்டி விகிதத்தில் கணக்கிட்டால், மொத்தம் ரூ.56,830 வட்டியாக கிடைக்கும். இதன்படி, உங்கள் மொத்த முதிர்வுத் தொகை ரூ.3,56,830 ஆக கிடைக்கும்.
இதற்குப் பிறகு, அடுத்த ஐந்து ஆண்டுகளுக்கு நீங்கள் முதலீடு செய்ய வேண்டும். அப்போது, நீங்கள் முதலீடு செய்த மொத்தத் தொகை ரூ.6,00,000 ஆக இருக்கும். அதே நேரத்தில், இதன் மொத்த வட்டியாக ரூ.2,54,272 கிடைக்கும். அதன்படி, பத்து ஆண்டுகளுக்குப் பிறகு, முதிர்ச்சியின் போது உங்களிடம் ரூ.8,54,272 இருக்கும்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
கோண்டாவில், யாழ்ப்பாணம், மட்டக்களப்பு, கொழும்பு, London, United Kingdom, Richmond Hill, Canada
23 Jun, 2026
